चर्चित मोडल प्रिती पासवान सहितको कलाकारहरु आज दिउसो लालबन्दी आउदै

सर्लाही, २० फागुन । चर्चित मोठल प्रिती पासवान सर्लाहीको लालबन्दीमा आयोजना गरिएको “कृषि, पर्यटन, व्यापार, स्वरोजगार र आत्मनिर्भरताको आधार” महोत्सवमा आउन लागेकी छिन् ।
लालबन्दीमा सुरु रहेको प्रथम महोत्सव “कृषि, पर्यटन, व्यापार ः स्वरोजगार र आत्मनिर्भरताको आधार” को समापनमा आज सर्लाही आउन लागेकी हुन् ।
आज दिउसो चर्चित मोडल पासवानको प्रस्तुती रहेको आयोजक उद्योग वाणिज्य संघ लालबन्दीका अध्यक्ष दिपेन्द्र बलम्पाकीले जानकारी दिए । महोत्सवमा चर्चित मोडल पासवानसँगै गायिकाहरु एन्जिला रेग्मी, टिका प्रसाईं र सहिमा श्रेष्ठले समेतका साँगितिक कलाकारहरुद्वारा गीत प्रस्तुतीका साथै नृत्य गर्ने कार्यक्रम रहेको छ । मोडल पासवान भने पछिल्लो समय तराई मधेश क्षेत्रमा डान्सर सहितको प्रस्तुतीका कारण निकै चर्चामा रहेकी छिन् ।
उद्योग वाणिज्य संघ लालबन्दीका महासचिब प्रदिप भट्टराईका अनुसार आज दिउँसो १ बजेदेखि समापान समारोह सुरु हुँदैछ । दिउँसो ३ बजेदेखि राती ९ बजे सम्म चर्चित विभिन्न कलाकारहरुको प्रस्तुती गरिने छन् ।