तराई टप संवाददाता
रौतहट, २३ गते । निर्वाचन आयोगले निर्वाचित जनप्रतिनिधिलाई पार्टी रोज्न दिएको समय सिमा मंगलवार सकिएको छ ।
उक्त समय सिमा भित्र रौतहटको १८ स्थानीय तहमा नेकपा एमालेबाट निर्वाचित भएका ८४ जना जनप्रतिनिधिहरुले नव गठित नेकपा एकीकृत समाजवादी पार्टीलाई रोजेको हो । गत भदौं १५ गते देखि लिएर २२ गते सम्ममा जिल्ला निर्वाचन कार्यालय गौरमा एमालेबाट निर्वाचित भएका जनप्रतिनिधिहरु उपस्थित भएर एकीकृत समाजवादी पार्टीमा सनाखत गरेको निर्वाचन कार्यालय श्रोतबाट बुझिएका छन् ।
यसैगरी जनता समाजवादी पार्टी नेपालबाट निर्वाचित भएका ८७ जना जनप्रतिनिधिहरु महन्ठ ठाकुरको अध्यक्षतामा नवगठित लोकतान्त्रिक समाजवादी पार्टीको पक्षमा सनाखत गरेको बताइएको छ । गौर नगरपालिकामा जसपाबाट निर्वाचित ३६ जना जनप्रतिनिधिहरु मध्ये ३२ जना लोसपामा रहने गरी जिल्ला निर्वाचन कार्यालयमा सनाखत गरेका हुन् । तर गौर नगरपालिकाको उप मेयर किरण ठाकुर जसपामै रहने बुझिएको छ । जिल्ला निर्वाचन कार्यालय गौरमा जनप्रतिनिधीहरुले दल रोज्ने वा सनाखत गर्ने काम मंगलवार सकिएको जिल्ला निर्वाचन अधिकृत छोटेलाल दासले जानकारी दिए । यस कार्यालयमा उपस्थित भएर सनाखत गर्नेहरुको सुचि निर्वाचन आयोगमा पठाउने तयारी भईरहेको बताए ।




बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन