रौतहट, ६ चैत । पालिका कप मा मंगलवार सम्पन्न भएको दोश्रो खेलमा फराकिलो रनबाट दुर्गा भगवतीलाई माधवनारायण नगरपालिकाले हराएका छन् ।
दोश्रो चरण अन्तर्गत आज दिउँस भएको खेलमा माधवनारायण नगरपालिकाले टस जितेर ब्याटिङ गर्दै निर्धारित २० ओभरमा ७ विकेटको क्षतिमा १५५ रनको विशाल स्कोर खडा गरेका थिए ।
पालिका कपमा अहिले सम्मकै उच्चतम स्कोर बनाएर ईतिहास माधवनारायणले रच्दै दुर्गा भगवती समक्ष १८६ रनको विशाल टार्गट दिएको थियो । जसमा माधवनारायणको क्याप्टेनको भुमिका निकै महत्त्वपूर्ण थियो । जवाफी ब्याटिङमा दुर्गा भगवतीले १११ रनमै अलआउट भइ ७४ रनबाट हार बेहोर्न बाध्य भए ।
क्याप्टेन सचिन यादवले ५२ बलमा ६ चौका ४ छक्काको मद्दतले सर्वाधिक ७७ रन बनाए, चन्दन ठाकुर २०, विवेक सहनी १८, रणविर यादव ११ रन बनाएको थियो ।
दुर्गा भगवती का जगरनाथ दासले २० बलमा २ चोका २ छक्काको मद्दतले ३१ रन, रितिक गुप्ताले २३ बलमा २ चौका १ छक्काको मद्दतले २८ रन, विक्रम साह ११ र सन्दिप साह १० रन बनाएका थिए ।
दुर्गा भगवतीका आशिक झा ४ ओभरमा २३ दिई ३ विकेट, आदित्य झा ४ ओभरमा ३९ रन दिई २ विकेट, विक्रम साह र यश गुप्ताले एक एक विकेट लिएको थियो । माधवनारायणका नितेश यादवले ४ ओभरमा ११ रन दिई ४ विकेट, दिपेन्द्र साह ३ ओभरमा १ मेडन राख्दै २२ रन दिई ३ विकेट, सचिन यादव ४ ओभरमा २४ रन दिई १ विकेट र चन्दन ठाकुरले १ विकेट लिदै ७४ रनको विशाल जित हात परे ।
आजको खेलमा ब्याट र बलबाट उत्कृष्ट प्रदर्शन गरेका माधवनारायणका क्याप्टेन सचिन यादवलाई म्यान अफ दि म्याचको पुरस्कारले सम्मानित गरिएको रौतहट क्रिकेट संघले जनाएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन