तराई टप संवाददाता
रौतहट, २७ भदौ । नेपाली नोटको हुबहु प्रिन्ट गरेर कारोवार गरिरहेको प्राप्त जानकारीको आधारमा नेपाल प्रहरीको सिआईवीको टोलीले वारा र रौतहटमा एक साथ छापामारी गरी झण्डै ९३ लाख नक्कली नेपाली नोट सहित ५ जनालाई पक्राउ गरेका छन् ।
सिमापारी भारतमा नोट प्रिन्ट गराई नेपालमा सोही नोट ल्याएर कारोबार गर्ने कार्यमा संलग्न रहेको गिरोह सक्रिय रहेको खवर सिआईवीलाई प्राप्त भएपछि सादा पोशाकमा आएका प्रहरीले वारा निजगढ ४ स्थित रहेको तराई इन र रौतहट चन्द्रपुर स्थित ताज होटलमा छापा मारेर ५ जनालाई पक्राउ गरिएको बताइएका हुन् ।
निजगढको तराई इनबाट ४ जना र रौतहटको चन्द्रपुरको ताजबाट १ जना गरी ५ जनालाई नक्कली र सक्कली नोटसहित पक्राउ परेका जिल्ला प्रहरी कार्यालय बाराले जनाएको छ । रौतहटमा पक्राउ परेका १ जनालाई पनि बारा पठाएको बुझिएको छ ।
पक्राउ परेकाहरुको साथबाट नेपाली एक हजार दरका नक्कली र सक्कली नोट गरी ९३ लाख रुपैयाँ बरामद भएको वारा प्रहरीले जनाएको छ । पक्राउ परेका सबैलाई जिल्ला प्रहरी कार्यालय कलैया बारामा राखेर थप अनुसन्धान भइरहेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन