रौतहट, १९ चैत । “हाम्रो कत्तव्र्य, हाम्रो जिम्मेवारी आँखा सेवामा साझेदारी” मूल नाराको साथ नेपाल नेत्र ज्योती संघ रौतहट शाखा, नेपाल गौर आँखा अस्पताल पुरेनवाद्धारा माधवनारायणमा महिला स्वास्थ्य स्वयमसेवीकाहरु संग एक दिन तालिम सम्पन्न भएको छ ।
सेवा फाउण्डेशनको आर्थिक सहयोगमा नेपाल नेत्र ज्योती संघ, गौर आँखा अस्पताल पुरेनवाका आँखा स्वास्थ्य शिक्षा इकाईद्धारा सोमवार माधवनारायण नगरपालिकाको माधोपुर स्वास्थ्य चौकीमा महिला स्वास्थ्य स्वयंम सेवीकाहरुलाई एक दिने आँखा स्वास्थ्य शिक्षा सम्बन्धी तालिम दिइयो ।
नेत्र अधिकृत विनिता केसरी, कार्यक्रम संयोजक सत्येन्द्र पाण्डे, हेल्थ इन्चार्ज नागेन्द्र प्रसाद पटेलले उपस्थित महिला स्वयम सेवीकाहरुलाई आँखा स्वास्थ्य शिक्षा सम्बन्धी प्रशिक्षण दिएको गौर आँखा अस्पतालले जनाएका छन् ।
सो आँखा स्वास्थ्य शिक्षा तालिममा माधवनारायण नगरपालिकाको पाँच वटा वडाका ३५ जना महिला स्वास्थ्य स्वयम सेवीकाहरुको उपस्थिति रहेको गौर आँखा अस्पताल पुरेनवाका कार्यक्रम संयोजक सत्येन्द्र पाण्डेले जानकारी दिए ।
सो अवसरमा नागरिक समाजका अगुवा पृथ्वीनारायण महतोको उपस्थितिमा उक्त तालिम सम्पन्न भएको थियो ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन