चोरी गरेर फरार रहेका आरोपी तिन बर्ष पछि पक्राउ

तराई टप संवाददाता
रौतहट, २८ भदौं । चोरीको मुद्दामा ३ बर्ष देखि फरार रहदै आएका एक प्रतिवादी पक्राउ परेका छन् ।
पक्राउ पर्नेमा चन्द्रपुर नगरपालिका वडा नम्बर ३ गैडाटारका २१ बर्षिय सिद्धार्थ भनिने अर्जुन तितुङ रहेका छन् । २०७५ साल बैशाख २५ गते नकाबजनि चोरी मुद्दामा जिल्ला अदालत गौरले निज तितुङलाई २२ दिन कैद र ४९ हजार ३ सय ६२ रुपिया जरिवानाको फैसला गरेको प्रहरी जनाएको छ ।
आइतबार इलाका प्रहरी कार्यालय चन्द्रनिगाहपुरको टोलीले पक्राउ गरी फैसला कार्यन्वयनको लागी रौतहट जिल्ला अदालत गौरमा बुझाईएको इलाका प्रहरी कार्यालय चन्द्रनिगाहपुर प्रहरी प्रमुख लिलाराज लामिछानेले जानकारी दिए ।