जनकपुरधाम, १६ चैत । विमा कम्पनीहरुलाई निगरानी एवं नियमन गराउने निकाय नेपाल विमा प्राधिकरण आफनो दायित्व विर्षेर विमाकर्ताको रकम झ्वाम पार्ने कार्यमा विमा कम्पनीलाई सघाईरहेको गम्भीर आरोप लगेका छन् ।
नेपालमा नम्वर वन विमा कम्पनीको रुपमा रहेका लाइफ इन्स्योरेन्स कर्पोरेशन नेपाल लिमिटेडले विमाकर्ताहरुले विमालेख खोल्दा एवं बार्षिक रुपमा जम्मा गरेको खुनपसिना मेहनेतको रकम माथि एलआइसीको कुनियत परेर विमा कम्पनी संग मिलेर झ्वाम पार्ने कार्य गरेको कार्यरत अभिकर्ता एवं विधाधारीहरुले गम्भीर आरोप लगाए हुन् ।
एलआइसी नेपाल लिमिटेडको गलत क्रियाकलापलाई कानुन बमोजिम कारवाही गर्ने र गराउने निकाय नेपाल विमा प्राधिकरण पनि विमा कम्पनी संग मिलेर गलत कार्यलाई सघाउन थालेपछि अहिले विमाधारीहरुको विल्लीबाँठ भएको छ ।

एलआइसी नेपाल लिमिटेडले लोभ्याउने योजनाहरु ल्याएर आफू तर्फ विमा गराउनेहरुको होड नै चलाए । पेन्सन प्लान (जिवन तरंग ३४५), जिवन सरल लगायत अन्य योजनाहरुमा ६६ देखि ८५ प्रतिशत सम्म बोनस दिने प्रलोभन दखाएर एजेन्ट मार्फत हजारौं नागरिकहरु विमालेख खोल्न लगाए । जिवन तरंग अन्तर्गत एक सय बर्षको लागि ७७ प्रतिशतको ठूलो सपना देखाएर आम नागरिकहरुलाई झुक्याएर एजेन्ट मार्फत विमा लेख जारी गर्न लगाएका थिए ।
सन् २०२० को अन्त्य तिर आएर उक्त योजनाहरु पूर्ण रुपमा बन्द भए । तर बन्द भएका योजनामा निर्धारण गरिएको बोनस दर घटाउन एवं संशोधन गर्न नमिल्ने भएपनि नेपाल विमा प्राधिकरणको उच्च पदस्थ कर्मचारीको साँठगाँठबाट बोनस दर घटाएर करौडौं रुपैया झ्वाम पार्ने कुत्सीत प्रयास गर्दा समेत राष्ट्र बैंक सहित अर्थ मन्त्रालय के हेरे बसेको होला ? विमाधारी एवं एजेन्टहरुले प्रश्न गरे ।
जनतालाई झुक्याएर नेपाल विमा प्राधिकरणको सेटिंगमा बन्द भएका विमा योजना संग छेडछाड गर्दै ७७ प्रतिशतबाट ४१ प्रतिशतमा झारेको एलआइसीद्धारा गरिएको निर्देशिकाबाट प्रष्ट भएका छन् ।
एलआइसीका एजेन्जलाई बोनस भत्ता, सघाउने कर्मचारीलाई पदोनन्ती मनपरेको स्थानमा सरुवा, एलआइसीका उच्च पदाधिकारीहरु दुवई, थाइलैण्ड, सिंगापुर लगायतका स्थानमा विश्व भ्रमणमा पठाएर गरिव असहायले जिवन पर्यान्त देखेको सपनालाई तुषापात गर्दै एसमोज गरेको आरोप जिवन तरंग विमा गराएकाहरुले तराई टप संग आफनो व्यथा सुनाए ।
गाउँघरमा राख्दा चोरी हुने डर, विमा गराउदा जिवन पर्यान्त चल्ने आश राखेर खोलिएको विवन तरंग एवं पेश्सन विमा योजना गराएको तर यहाँ पनि विमाधारीको रकम सुरक्षित नरहेको हुँदा नेपाल सरकारको अविलम्व ध्यानाकर्षण भई यस्ता खुन चुसुवाहरुलाई पहिचान गरी कडा भन्दा कडा कारवाही गरी सर्वसाधरणको रकम फिर्ता गराउन जोडदार रुपमा आवाज उठाए ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन