टिपर दुर्घटनामा चालकको मृत्यु

मन्थली, ३ वैशाख । रामेछापको मन्थलीमा टिपर दुर्घटना हुँदा चालकको मृत्यु भएको छ ।
भटौलीबाट वालुवा लिएर मन्थलीतर्फ आउदै गरेका बा प्र ०१–००६–३८३९ नं को टिपर मन्थली नगरपालिका वडा नम्वर ७ स्थित मन्थलीघाट नजिकै सडकबाट ५० मिटर तल तामाकोशी नदीमा खसेर उक्त दुर्घटना भएको हो ।
दुर्घटनामा परेर रामेछापको गोकुलगङ्गा गाउँपालिका वडा नम्वर ३ रस्नालुका २३ वर्षीय चालक पवित्र बस्नेतको मृत्यु भएको जिल्ला प्रहरी कार्यालय रामेछापका डिएसपी प्रदीपकुमार सिंहले जानकारी दिए ।
दुर्घटनामा परी दोलखाको तामाकोशी गाउँपालिका वडा नम्वर ६ का २१ वर्षीय सहचालक मनोज फुयाँल घाइते भएका छन् । उनको मन्थली नगर अस्पतालमा उपचार भइरहेको डिएसपी सिंहले बताए ।