रौतहट, ३ वैशाख । रौतहटको चन्द्रपुर नगरपालिका स्थित सन्तपुर प्रहरी चौकीका प्रहरी सहायक निरीक्षक सहकारीको चिरान काठ ग्याव गराएको आरोप लगाउदै स्थानीय बासिन्दाहरुद्वारा प्रहरी चौकी घेराउ गरियो ।
चन्द्रपुर नगरपालिका वडा नम्वर ८ सन्तपुरमा रहेका प्रहरी चौकीमा कार्यरत प्रहरी सहायक निरीक्षक दिनानाथ प्रसाद यादवले सहकारीको चिरान काठलाई ग्याव गरेपछि आक्रोशित बनेका स्थानीय बासिन्दाहरु रक्षक विरुद्ध नै जाइ लागेर प्रहरी चौकी घेराउ गरेका हुन् ।
प्रहरी चौकीका प्रसनी यादवले साझा सहकारी संस्थाको काठ चोरेर फर्निचर बनाएर घर लगेको भन्दै स्थानीयले सोमबार बिहानै चौकी घेराउ गरेका थिए ।
चोरी तस्करी नियन्त्रण गर्ने जिम्मेवारी पाएको प्रहरी चौकी सन्तपुरका प्रमुख प्रहरी सहायक निरीक्षक यादवले काठ चोरेर फर्निचर बनाएर घर लगेको स्थानियले आरोप लगाए ।
सन्तपुरको साझा सहकारी संस्था लिमिटेडको भबनमा अस्थायी रुपमा रहँदै आएको प्रहरी चौकी सन्तपुरका प्रहरी सहायक निरीक्षक यादवले संस्थामा रहेको पुरानो काठनै ग्याव गरेर पलगं र किचेन रयाक बनाएर लगेको सोही चन्द्रपुर नगरपालिका वडाध्यक्ष जितेन्द्र चौधरीले आरोप लगाए । प्रहरी सहायक निरीक्षक यादवले संस्थाको काठबाट फर्निचर बनाएर पटक पटक उनले आफनो घर पुर्याएको र अन्तिम पटक लैजाने तयारी गरेको समयमा स्थानीयले रोकेपछि प्रसनीको गोरखधन्धा बाहिर सार्वजनिक भएको चौधरीले बताए ।
अबैध असुली धन्धाको आरोप उनीमाथि लाग्दै आएको र माथिल्लो निकायलाई जानकारी गराउदा समेत बेवास्ता हुदै आएको वडाअध्यक्ष चौधरीले बताए । प्रहरी चौकीको भवन निर्माणाधीन अवस्थामा रहेकोले संस्थाले आफ्नो भवनको कोठा अस्थायी रुपमा चौकी सञ्चालनको लागि प्रहरीलाई दिएको थियो ।
ईलाका प्रहरी कार्यालय चन्द्रनिगाहपुरका प्रहरी निरीक्षक गायत्री राज शर्माले प्रहरी सहायक निरीक्षक यादवले गल्ती गरेको भए कार्वाही हुने बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन