काठमाडौं । भारतीय राजदूतावासले ५९ औं भारतीय प्राविधिक तथा आर्थिक सहकार्य (आइटेक) दिवश मनाएका छन् ।
भारतीय राजदूतावासद्धारा आयोजिक कार्यक्रममा एम्सका पूर्व विद्यार्थी रहेका तथा तथा नेपाली काँग्रेसका नेता डा शेखर कोइरालाले विकास र शिक्षाको क्षेत्रमा भारतले नेपाललाई गर्दा आएको सहकार्यलाई सराहना गर्दै यस कार्यलाई अघि बढाउनुपर्नेमा जोड दिएका थिए ।
नेपालका लागि भारतीय राजदूत नवीन श्रीवास्तवले भारत अन्य देशसँगको साझेदारी ‘वसुधैव कुटुम्बकम्ब र सबका साथ, सबका विकास, सबका विश्वास र सबका प्रयास’ सिद्धान्तमा आधारित रहेर आफना योजनाहरुलाई अघि बढाइरहेको बताए ।
सन् २०२३–२०२४ मा, नेपालको सन्दर्भमा अहिले सम्मकै उच्च, ४४० भन्दा बढी आइटेक सिट प्रयोग भएको जानकारी दिँदै उनले नेपालका सरोकारवालाको रुचिलाई ध्यानमा राख्दै आइटेक अन्तर्गत प्रशासक, रेलवे अधिकारी, कृषिविद्, संसदीय अधिकारीका लागि अझ बढी तालिमका अवसर प्रदान गरिने स्पष्ट पारे ।
कार्यक्रममा संसद्, वरिष्ठ सरकारी अधिकारी, आइटेक अलम्नाइ (भूतपूर्व विद्यार्थी), भारतका शैक्षिक संस्थाका प्रमुख पूर्व नेपाली विद्यार्थी गरी ३०० भन्दा बढीको उपस्थिति थियो ।
वरिष्ठ आइटेक अलम्नाइ–राष्ट्रिय न्यायिक प्रतिष्ठानका कार्यकारी निर्देशक न्यायाधीश वैद्यनाथ उपाध्याय, नेपालका महान्यायाधिवक्ता डा दिनमणि पोखरेल, ऊर्जा, पूर्वसचिव दिनेश घिमिरे, संघिय संसद् सचिवालयका सचिव रोजनाथ पाण्डे, सैनिक तालिम महा निर्देशनालयका उपरथी सन्तोषकुमार ढकालले प्यानल छलफलमा सहभागी भई आ–आफ्नो आइटेक अनुभवहरु साटासाट गरेका थिए ।
कार्यक्रममा प्रख्यात कलाकार काकाली बोसको नेतृत्वमा भारतबाट आएको नृत्य मण्डलीले नृत्य प्रस्तुत गरेको थियो । घनिष्ठ एवं नजिकको छिमेकीको नाताले भारत सरकारले बितेका १५ वर्षमा दुई हजारभन्दा बढी नेपालीलाई आइटेक अन्तर्गत तालिम दिएको दूतावासले शुक्रबार जारी गरेको विज्ञप्तिमा उल्लेख गरिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन