बाघको आक्रमणबाट वन हेरालु कुमर गम्भीर घाइते

रौतहट, ११ वैशाख । रौतहटको सामुदायिक वनका एक जना हेरालु बाघको आक्रमणमा परेर गम्भीर घाइते भएका छन् ।
चन्द्रपुर नगरपालिका वडा नम्वर २ जुडिवेला घर भएका तथा मलनियाँ माई सामुदायिक वनका हेरालु गंगा कुमरलाई सोमवार बाघले आक्रमण गरेका थिए ।
हिजो दिउँस बाँघले आक्रमण गर्दा गम्भीर घाइते भएका कुमरलाई सामान्य उपचार पछि थप उपचारका लागि वीरगञ्ज लगिएको चन्द्रपुर २ का वडाअध्यक्ष दुत्त बहादुर थिङ (बुद्ध) ले जानकारी दिए ।
बाघले घाइते कुमरको टाउको, अनुहारमा गम्भीर चोट लागेको बताइएको छ । पछिल्लो समयमा रौतहटको वन क्षेत्रमा बाघको आक्रमण पर्ने घटनाहरु सार्वजनिक भईरहदा पनि वन क्षेत्रमा जानेहरुको कमि आएको छैनन् ।