रौतहट, १२ वैशाख । नेपाल भ्रमणमा रहनु भएका कतारी अमिर शेख तमिम बिन हमाद अल थानीले बुधवार प्रधानमन्त्री पुष्पकमल दहाल (प्रचण्ड) संग शिष्टाचार भेटवार्ता गर्दै द्विपक्षीय लगानी र सहकार्य संग सम्बन्धित समझदारी सम्झौतामा हस्ताक्षर गरिएका छन् ।
दुई दिने नेपाल भ्रमणमा रहेका कतारी हमाद अल थानी र प्रधानमन्त्री प्रचण्डबीच द्विपक्षीय भेटवार्ता सम्पन्न भएसँगै होटल सोल्टीमा समझदारी सम्झौतामा हस्ताक्षर भएका हुन् ।
प्रधानमन्त्रीका परराष्ट्र मामिला सल्लाहकार रुपक सापकोटाका अनुसार दुई देश बीचका सरकारी समाचार एजेन्सी, महान्यायाधिवक्ता कार्यालय सम्बन्धी, कूटनीतिक तालिम र अध्ययन, शिक्षा, कला र संस्कृति, खेलकुद क्षेत्रमा सहकार्य गर्ने समझदारी हुदै सम्झौता भएको छ ।
यस्तै कतार चेम्बर अफ कमर्श र नेपाल उद्योग वाणिज्य महासंघ बीच पनि दुईवटा सम्झौता भएका छन् । होटल सोल्टीको भएको कार्यक्रम पछि प्रधानमन्त्री प्रचण्डले होटल द्वारिकामा आयोजना गरेको दिवा भोजमा कतारको टोली सहभागी हुनेछ । त्यसपछि कतारी टोली आजै दिउँसो स्वदेश फर्किने कार्यक्रम रहेको छ ।
कतारका राजा पहिलोपटक नेपाल भ्रमणमा आएको अवसरमा सरकारले मंगलबार देशभर सार्वजनिक बिदा दिएको थियो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन