रौतहट, १२ वैशाख । विश्वमा चर्चा पाएका गौर हत्याकाण्ड विरुद्ध सर्वोच्च अदालतले बुधवार कारण देखाउ आदेश जारी गरेका छन् ।
१६ बर्ष अघि अर्थात २०६४ साल चैत ७ गते तत्कालिन मधेशी जनअधिकारी फोरम र नेकपा माओवादी केन्द्रका कार्यकर्ताहरु बीच भएको झड्पमा ठूलो नरसंहार हुँदा २७ जना माओवाद कार्यकर्ताको हत्या भएको थियो ।
उक्त हत्याकाण्डका दोषिलाई कारवाही नहुँदा २०८० साल जेठ २१ गते त्रिभुवन साहले जिल्ला प्रहरी कार्यालय रौतहट र जिल्ला सरकारी वकिलको कार्यालय गौरलाई विपक्षी बनाएर दायर गरेको रिट माथि आज सुनवाई हुँदा सर्वोच्चले कारण देखाउन आदेश जारी गरेका हुन् ।
आज सर्वोच्चका न्यायाधीश तिलप्रसाद श्रेष्ठको एकल इजलासले कारण देखाऊ आदेश जारी गरेको छ । साहद्धारा दायर गरिएका रिट माथि तीन पटक हेर्न नभ्याइने, एक पटक बेन्च बस्न नभ्याइनेमा हुँदा आज आएर कारण देखाऊ आदेश भएको बताइएको छ ।
उक्त हत्याकाण्डमा बहालबाला उपप्रधान तथा स्वास्थ्य तथा जनसंख्यामन्त्री समेत रहेका जसपा अध्यक्ष उपेन्द्र यादव सहित दर्जनौं भन्दा बढि नेता लगायतका व्यक्तिहरु माथि हत्याकाण्ड गराइएको गम्भीर आरोप लाग्दै आएका छन् ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन