पाहुना टोली वेस्ट इन्डिज ‘ए’ टिमका खेलाडीहरु अभ्यासमा जुटे

काठमाडौं, १४ वैशाख । नेपालमा आएका पाहुना टोली वेस्ट इन्डिज ‘ए’ टिमका खेलाडीहरु अभ्यासमा जुटेको छ ।
शनिबार देखि नेपाल सँग हुने ५ खेलको टी–२० सिरिजको तयारीका लागि वेस्ट इन्डिज ‘ए’ टिम मैदानमा अभ्यास गर्न पुगेको हो ।
सिरिज खेल्नका लागि वेस्ट इन्डिज ए को टिम बुधबार काठमाडौं आइपुगेको थियो ।
सार्बजनिक खेल तालिका अनुसार नेपाल र वेस्ट इण्डिज ए बीच पहिलो खेल अप्रिल २७, दोस्रो खेल अप्रिल २८, तेस्रो खेल मे १, चौथो खेल मे २, पाँचौ ४ मे मा हुने छ । टियु मैदानमा हुने यो सिरिजका सबै खेल नेपाली समय १ बजेदेखि सुरु हुने जनाईएको छ ।