सागरनाथ वन विकास परियोजनाको जंगलमा बेवारिसे अवस्थामा पुरुषको शव फेला

सर्लाही, १६ वैशाख । सर्लाहीको इश्वरपुर नगरपालिका स्थित सागरनाथ वन विकास परियोजनाको वन क्षेत्र भित्र एक पुरुष व्यक्तिको बेवारिसे अवस्थामा शव फेला परेका छन् ।
इश्वरपुर नगरपालिका वडा नम्वर ४ स्थित सागरनाथ वन विकास परियोजनाको वन क्षेत्र भित्रका जंगलमा तराई मुलको जस्तो देखिने अन्दाजी ७० बर्षिय वृद्धको मृत अवस्थामा शव फेला परेका हुन् ।
बेवारिसे अवस्थामा फेला परेका शवलाई पोष्टमार्टमका लागि प्रादेशिक अस्पताल मलंगवा ल्याइएको जिल्ला प्रहरी कार्यालय मलंगवाले जनाएको छ । मानसिक सन्तुलन ठीक नरहेको जस्तो देखिने ती पुरुषको हुलिया सबै प्रहरी कार्यालयमा पठाएर सनाखत गराउने प्रयास भइरहेको जिल्ला प्रहरी कार्यालय सर्लाहीका प्रवक्ता एवं डिएसपी दिपक श्रेष्ठले जानकारी दिए ।