१७ औं स्थापना दिवसको अवसरमा सशस्त्र प्रहरीद्धारा रक्तदान कार्यक्रम

राधेश्याम कुशवाहा
सर्लाही, १८ वैशाख । सशस्त्र प्रहरी वल नेपाल नम्वर १० गण स्थापना भएको १७ औं बर्षको उपलक्ष्यमा रक्तदान कार्यक्रमको आयोजना गरिएको छ ।
१० गण हेडक्वाटर सर्लाहीद्धारा आयोजना गरिएका “रक्तदान नै जिवनदान हो” मुल नाराका साथ ३६ जना सशस्त्र प्रहरीका कर्मचारीहरुले रक्तदान गरेको जनाइएको हो ।
१७ औ स्थापना दिवसको अवसरमा बिभिन्न व्यावसायिक प्रतियोगिता एवं कार्यक्रमहरुको आयोजना गरियो । सोही क्रममा हिजो सोमबारका नेपाल रेडक्रस सोसाइटी शाखा कार्यालय सर्लाही सँगको सहकार्यमा त्यस गणका गणपति एसपी विनोद राज खनाल सहित मातहत विओपीमामा कार्यरत ३६ जना सशस्त्र प्रहरी कर्मचारीहरुद्वारा गरिएका थिए ।
सशस्त्र प्रहरी बल नेपाल नम्वर १० गण हेडक्वाटर सलेमपुर सर्लाहीले वैशाख १९ गते बुधवार का दिन भव्य रुपमा बार्षिकोत्सव मनाउने तयारीमा जुटेको बताइएको छ ।