रौतहट, २३ वैशाख । नेपालमा पश्चिमा र स्थानीय वायुको प्रभावको कारण हाल देशका पहाडी क्षेत्रमा आंशिक बदली रहने तथा बाँकी क्षेत्रमा मौसम सफा रहने मौसम पूर्वानुमान महाशाखाले जनाएको छ ।
आईतवार दिउँसो कोशी प्रदेश लगायत देशका पहाडी क्षेत्रमा आंशिकदेखि साधरणतया बदली भई अन्य क्षेत्रमा आंशिक बदली देखि मौसम मुख्यतया सफा रहने भएको हो । कोशी प्रदेशका थोरै स्थानहरूमा तथा बाँकी पहाडी क्षेत्रका एकदुई स्थानमा चट्याङ्गसहित हल्का वर्षाको सम्भावना रहेका छन् ।
कोशी, गण्डकी, कर्णाली र सुदूरपश्चिम प्रदेशको उच्च पहाडी तथा हिमाली क्षेत्रका एकदुई स्थानमा हल्का हिमपात हुने सम्भावना रहेको छ । लुम्बिनी प्रदेशका तराईका थोरै स्थानहरूमा हावाहुरीको सम्भावना रहेको छ ।
आज राति देशको पहाडी क्षेत्रमा आंशिक देखि साधरणतया बदली रहने छ । कोशी, गण्डकी र कर्णाली प्रदेशका पहाडी क्षेत्रका एकदुई स्थानमा चट्याङ्गसहित हल्का वर्षाको सम्भावना रहेको छ । मधेस प्रदेश लगायत कोशी प्रदेशका तराईका थोरै स्थानहरूमा हावाहुरीको सम्भावना रहेको छ ।
