श्रीमतीको गोप्य अंग समाजिक संजालमा राख्ने श्रीमान पक्राउ

रौतहट, २८ वैशाख । आफनै श्रीमतीको चरित्र हत्या गरेको आरोपमा नेपाल प्रहरीको साइबर ब्युरोले एक व्यक्तिलाई पक्राउ गरेका छन् ।
मकवानपुर जिल्लाको बकैया गाउँपालिका वडा नम्वर ७ घर भई हाल काठमाडौंको जडीबुटीमा बस्दै आएको २४ बर्षिय फुर्साङ रुम्बालाई नेपाल प्रहरीको साइबर ब्युरोले पक्राउ गरेका हुन् ।
रुम्बा विरुद्ध विद्युतीय कारोबार ऐन अन्तर्गतको कसुरमा ५ दिनको म्याद लिएर अनुसन्धान अघि बढाइएको साइबर ब्युरोका एसपी दीपकराज अवस्थीले बताए ।
रुम्बा वैदेशिक रोजगारीमा रहेको हुँदा ह्वाट्स एपमा आदान प्रदान गरेको गोप्य अंग देखिने फोटो र भिडियोलाई दुरुपयोग गरेर फेक अकाउन्ट बनाएर अपलोड गरेको अनुसन्धानबाट थाहा पत्ता लागेको छ ।
पीडिताकी दिदीले दिएको जाहेरीको आधारमा अनुसन्धान गर्दा श्रीमान रुम्बाले नै चरित्रहत्या गरेको प्रहरीको अनुसन्धानबाट निष्कर्ष रहेको छ ।