सखुवाप्रसौनीमा महतो माथि आक्रमण गर्ने बाघलाई स्थानीयले मारिदिए

पर्सा, ३० वैशाख । पर्सा जिल्लाको सखुवाप्रसौनी गाउँमा स्थानीय माथि आक्रमण गर्ने बाघलाई भाला रोपेर मारिदिएको खवर प्राप्त भएको छ ।
सखुवाप्रसौनी गाउँपालिका वडा नम्वर १ औराहामा शनिवार अपरान्ह् ३६ बर्षिय भीमवली महतो माथि बाघले आक्रमण गरेका थिए । बाघले आक्रमण गरी घिसारेर लैजादै गर्दा स्थानीयहरु भाला सहितको घरेलु हतियार लिएर घेराबन्दी गरी महतोलाई जोगाउन सकेको र बाघलाई मारिदिएको थियो ।
गम्भीर घाईते महतोको हाल वीरगञ्ज स्थित नारायणी अस्पतालमा उपचार भइरहेको पर्सा प्रहरीका प्रवक्ता तथा डिएसपी कुमारविक्रम थापाले जानकारी दिए ।
महतोलाई आक्रमण गरेको बाघलाई गाउँले मानिसहरूले घेरा हालेर बञ्चरो, भाला र लट्ठीले हानेर मारिदिएको प्रहरी श्रोतबाट बुझिएको छ ।