तेहरान । इरानी सेनाले अजरबैजान सँग जोडिएको सीमा नजिकै सैन्य अभ्यास सुरु गरेको छ ।
सरकारी टेलिभिजनको फुटेजमा देखिएअनुसार उत्तर पश्चिम इरानको एक क्षेत्रमा ट्यांक, हेलिकोप्टर र अत्याधुनिक हतियार सहित सु सज्जित भएका सेना परिचालित गरिएको हो ।
सेनाले स्वदेशमै बनेका लामो दूरीका ड्रोन र अन्य उपलब्धिहरूको परीक्षण पनि गरिरहेको जनाएको छ । इरानको इस्लामिक रिभोलुसनरी गार्ड कर्प्सले यसअघि गत महिना सीमा क्षेत्र नजिकै हतियारसहितको सेना पठाएको थियो । त्यसको बदलामा अजरबैजान, टर्की र पाकिस्तानले पनि बाकुमा संयुक्त सैन्य अभ्यास गरेका थिए ।
अजरबैजान र इजरायलबीचको निकट सैन्य सम्बन्धले आफु चिन्तित भएको इरानले खुलेयाम बताउदै आएको छ । इरान र इजरायल एकअर्काको कट्टर शत्रु हुन् । इजरायलले गत वर्ष अर्मेनिया सँग चलेको ४४ दिन लामो युद्धका क्रममा अजरबैजानलाई अप्रत्यक्ष रुपमा सहयोग गरेको थियो । उसले अत्याधुनिक ड्रोन र अन्य सामाग्री उपलब्ध गराएको बताइन्छ ।
आफ्नो छिमेकी सँगको यस्तो सम्बन्ध देखेर इरान चिन्तीत बनेको छ । इरानका लागि अजरबैजानका नयाँ दूतलाई सम्मान गर्दै इरानी विदेशमन्त्री होसिन अमिराब्दोल्लाहियनले यस विषयमा सतर्क गराएका थिए । ‘आफ्नो राष्ट्रिय सुरक्षा विरुद्ध हुने कुनै पनि उपस्थिति र गतिविधिलाई हामी सहन सक्दैनौं र त्यसविरुद्ध जेसुकै गर्नसक्छौं’ उनले भनेका थिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन