रौतहट, २६ जेठ । विद्यार्थी भिसामा रुस पठाइदिन्छु भनेर लाखौं रकम ठगी गर्ने एक ठगलाई रौतहट प्रहरीले पक्राउ गरेको छ ।
रौतहटको यमुनामाई गाउँपालिका वडा नम्वर २ घर भएका २० बर्षिय जितेन्द्र कुमार यादवलाई विद्यार्थी भिसामा रुस पठाइदिन्छु भनेर उनकै गाउँका एक युवकले रकम ठगि गरेर वेपत्ता भएपछि उनकै उजुरीका आधारमा रौतहट प्रहरीले ति ठगलाई गत २२ गते पक्राउ गरी ठगी तथा अपराधिक लाभ सम्बन्ध कसुरमा अदालतबाट म्याद थप गराएर आवश्यक अनुसन्धान गरिरहेको जिल्ला प्रहरी कार्यालय रौतहटद्धारा जारी गरिएको प्रेस नोटमा भनिएको हो ।
प्रलोभन देखाएर रकम ठगी गर्ने ठग रौतहट जिल्ला यमुनामाई गाउँपालिका वडा नम्वर २ जितन कुमारको २३ बर्षिय छोरा राहुलकुमार प्रजापतिले यादवलाई विद्यार्थी भिसाको कागजातहरु नेपाल स्थित रसियन एम्बेसीबाट जारी भएको भनेर नक्कली कागजात देखाई विश्वासमा लिएर १० लाख ८७ हजार ७२० रुपैया लिएर फरार भएका थिए ।
जिल्ला प्रहरी कार्यालयमा पिडित पक्षले दिएको जाहेरीको आधारमा प्रहरीले खोजतलासको क्रममा बाहिरी जिल्लामा लुकीछिपी बस्दै आएको अवस्थामा प्रहरीले पक्राउ गरेर अदालतबाट म्याद थप गराई कसुर अनुसारको मुद्दा दर्ता गरेर कारवाही प्रक्रिया अघि बढाएको रौतहट प्रहरीका डिएसपी एलिजा गिरीले जानकारी दिईन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन