वीरगञ्ज, १२ असार । मुख्यमन्त्री सतिशकुमार सिंहले मधेश प्रदेशलाई आर्थिक रुपमा सुसम्पन्न बनाउनका लागि पर्यटन क्षेत्रलाई विस्तार गर्नुपर्ने बताए ।
पर्यटन विकास कार्यालय वीरगन्जले बुधवार आयोजना गरिएको सरोकारवालासँगको संवाद कार्यक्रममा मुख्यमन्त्री सिंहले पर्यटन क्षेत्रको पर्याप्त विकासले मात्रै यस प्रदेशको आर्थिक तथा सामाजिक रुपान्तरण गरेपछि मात्रै कायापलट हुने बताएको हो ।
‘‘मधेश प्रदेशलाई माथि उकास्ने भनेको पर्यटन क्षेत्र नै हो,’’ मुख्य मन्त्री सिंहले भने, “पर्यटन क्षेत्र एउटा यस्तो माध्यम हो जुन तत्कालै भित्र्याउन सकियो भने मधेश प्रदेशको समग्र आर्थिकस्तर सुधार्न सकिनेमा जोड दिए ।’’
मुख्यमन्त्री सिंहले मधेश प्रदेश सरकारको एकल प्रयासले मात्रै मधेशमा पर्यटनको विकास गर्न सम्भव नहुने बताउदै यहाँको विकासका लागि सरोकारवाला सबै निकायले हातेमालो गरेर अघि बढ्नुपर्ने आवश्यक्ता महसुस गरे ।
‘‘मधेश प्रदेशका ऐतिहासिक मठमन्दिर, धार्मिकस्थल छिमेकी मूलुक भारत लगायतका धेरै मुलुकमा प्रख्यात रहेको छ,’’ उनले भने ।
भारतीय पर्यटकहरुका लागि सुविधा सम्पन्न बस्ने र खाने ठाउँ नहुँदा पनि पर्यटकको बसाइ चाहेर पनि लम्बाउन सकिरहेका छैनौँ । मुख्यमन्त्री सिंहले मधेश प्रदेशमा पर्यटकका लागि आवश्यक पूर्वाधार निर्माण गर्न निजी क्षेत्रलाई यहाँ आएर हात हाल्न समेत आह्वान गरे । सो कार्यक्रममा मधेश प्रदेश सरकारमा पर्यटन मन्त्री युवराज भटराई (समिर) सहितका पर्यटन मन्त्रालयका उच्च पदस्थ प्रतिनिधिहरुको उपस्थिति रहेको थियो ।

प्रहरीको कन्ट्रोल कक्षमा फोन गर्दा अपशब्द भाषाको प्रयोगलाई लिएर प्रदेश प्रहरी कार्यालयको ध्यानाकर्षण
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट