रौतहट, २८ असार । उपचार गराएर गणपति डिलक्सबाट घर फर्किदै गरेका यात्रु हामफालेर ज्यान त जोगाएर तर संगै बसेका यात्रुलाई बचाउन सकिएनन् ।
अहिले समाजिक संजालमा भाइरल भएको भिडियोमा हामफालेर ज्यान जोगाएका यात्रुले चार दिन अघि उपचार गराउन काठमाडौं गएका थिए, उपचार गराएर गणपति डिलक्सबाट घर फर्किदै गरेको अवस्थामा पहिरा आएर बस बगाउन थालेपछि क्यानबाट क्याबिनको झ्यालबाट हामफालेर ज्यान जोगाए तर सामानहरु त्यसैमा छुट्यो उनले भनेको प्रष्ट रुपमा बुझिन्छ ।
काठमाडौंबाट रौतहटको गौर तर्फ आइरहेको गणपती डिलक्स बसलाई चितवनको सिमलतालमा पहिरोले बगाउँदा तीन जना यात्रुले हामफालेर आफ्नो ज्यान जोगाउन सफल भएको छ ।
रौतहटको देवाही गोनाही नगरपालिकाका दुई जना र वृन्दावन नगरपालिकाको सिसवा धमौराका एक जना यात्रु हामफालेर जीवन जोगाए । उनीहरुलाई बस खसेको स्थानबाट उद्धार गरेर अर्को बसबाट नारायणगढ ल्याइएको छ । अर्को बस चढेर नारायणगढतर्फ जाँदै गर्दा सिसवाधमौराका एक यात्रुले घटनाबारे भनेको भिडियो अहिले समाजिक संजालमा भाइरल भएको छ । वृन्दावनको सिसवा धमौरा, देवाही गोनाहीको करुनीया र मटिअर्वाको मानिस बाच्न सफल भएको भिडियोमा सुन्न सकिन्छ ।
ती यात्रुका अनुसार उनीसँगै क्याबिनमा चार जना पनि थिए । उनले आफूसँगैका यात्रु र आफ्ना झोलासहितका सामान बेपत्ता भएको बताएका छन् । एक भिडियोमा उनलाई अरु यात्रुहरुले ‘सामानको के कुरा ज्यान जोगिनु ठूलो कुरा हो’ भन्दै सम्झाएको सुनिन्छ । ६ दिन अघि पेट दुखेको समस्या लिएर वृन्दावन नगरपालिकाको सिसवाधमौराको व्यक्ति काठमाडौं गएका थिए । फर्किने क्रममा यस्तो दुखद घटना भए जसमा बल्ल तल्ल ज्यान जोगियो उनले भने । आफू संगै अन्य एक जनालाई उद्धार समेत गरेको भनेको भिडियोमा सुन्न सकिन्छ ।
आज बिहान करिब साढे तीन बजेतिर वीरगञ्जबाट काठमाडौं तर्फ गईरहेको बागमती प्रदेश १५१६ नम्बरको एन्जल डिलक्स लेखेको बस र काठमाडौंबाट गौरतर्फ आउदै गरेको नम्बर नखुलेको गणपति डिलक्स बस भरतपुर महानगरपालिका वडा नम्बर २९ सिमताल भन्ने स्थानमा पहिरोले बगाई त्रिशुलीमा वेपत्ता भएको चितवनका प्रमुख जिल्ला अधिकारी इन्द्रदेव यादवले बताए । घटनास्थलमा व्यापक संख्यामा सुरक्षाकर्मीहरु परिचालन गरेर खोजीकार्य तथा पहिरोलाई पन्छयाउने कार्य जारी रहेको जानकारी दिए ।