जनकपुरधाम, ६ साउन । मधेस प्रदेश सरकारका मुख्यमन्त्री सतिसकुमार सिंहले मुख्यमन्त्रीको कार्यालय सहित ११ वटा मन्त्रालयमा छड्के निरीक्षण गरेका छन् । मुख्यमन्त्री सिंहले आईतवार विहानै मधेश प्रदेश सरकारको कार्यालयमा कर्मचारीहरूको लापरबाही बढ्दै गएको गुनासो आएपछि मुख्यमन्त्रीको कार्यालय सहित ११ वटा मन्त्रालयको छड्के अनुगमन निरीक्षण गरेका हुन् ।
निरीक्षण तथा अनुगमनको क्रममा मुख्यमन्त्री सिंहले अधिकांश कर्मचारीहरुमा काम प्रतिको जिम्मेवारीपन नभएको एवं धेरै लापरबाही रहेको पाइएको बताए ।
उनले कर्मचारीहरूमा खासगरी कार्यालयमा हाजिर नगर्ने, बिदा जाँदा स्वीकृति नलिने जस्ता समस्या विद्यमान रहेको जनाए । प्रदेश सरकारकै कर्मचारीहरूमा त्रुटि भेटिए पछि मुख्यमन्त्रीको कार्यालयले सबै मन्त्रालयको कर्मचारीलाई पत्र लेखेर जवाफ माग गरेका छन् । पत्रमा मुख्यमन्त्री सिंहले हरेक मन्त्रालयमा देखिएको समस्या लेख्दै त्यसको कारण बारे जवाफ मागेको मुख्यमन्त्री तथा मन्त्रीपरिषद्को कार्यालयले जानकारी दिए ।
मुख्यमन्त्री कार्यालयका अनुसार आज पहिलो दिन अनुगमन गर्दा कर्मचारीमा धेरै लापरबाही पाइयो, त्यसपछि देखिएको कमजोरी तत्काल सुधार गर्न सबै कर्मचारीलाई निर्देशन दिइयो । कार्यालय समय सुरु भए लगत्तै मुख्यमन्त्री सिंहले ११ वटै मन्त्रालयको निरीक्षण गरे ।
मुख्यमन्त्री तथा मन्त्रिपरिषद्को कार्यालय सहित, अर्थ, गृह, भौतिक, सिचाइ, श्रम, स्वास्थ्य, उद्योग, वन, खेलकुद र शिक्षा मन्त्रालयमा मुख्यमन्त्री सिंहले छड्के निरीक्षण गरेको बताइएको छ ।

प्रहरीको कन्ट्रोल कक्षमा फोन गर्दा अपशब्द भाषाको प्रयोगलाई लिएर प्रदेश प्रहरी कार्यालयको ध्यानाकर्षण
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन