मोटरसाइकल सहित दुई जना चोर रौतहट प्रहरीको नियन्त्रणमा

रौतहट, २४ साउन । रौतहट प्रहरीले मोटरसाइकल चोरेको आरोपमा दुई जनालाई नियन्त्रणमा लिएर कारवाही सुरु गरेका छन् ।
परोहा नगरपालिका वडा नम्वर ६ बस्ने मोतिलाल प्रसाद कुर्मीको नाममा दर्ता रहेका ना. २० प. ५८३२ नम्वर भएको १२५ सिसिको सुपर स्पेलेन्डर मोटरसाइकल घरको बरण्डाबाट चोरी भएको जानकारी प्रहरीलाई गराए विहिवार विहान गराएका थिए ।
जानकारी प्राप्त हुनासाथ इलाका प्रहरी कार्यालय कोपवा पिपरियाबाट विहिवार खटिएका प्रहरी टोलीले बौधीमाई नगरपालिका वडा नम्वर ५ स्थित सडकमा सोही स्थान बस्ने २० बर्षिय भगत भन्ने अभिषेक यादव र २१ बर्षिय मुकेश रामलाई नियन्त्रणमा लिएर अनुसन्धान गर्दा मोटरसाइकललाई बरामद गरिएको जिल्ला प्रहरी कार्यालय रौतहटको प्रवक्ता एवं डिएसपी एलिजा गिरीले जानकारी दिइन् ।
मोटरसाइकल सहित पक्राउ परेका दुबै युवकलाई प्रहरी हिरासतमा राखेर आवश्यक अनुसन्धान भईरहेको उनले बताइन् ।