हैदराबाद, ऐजन्सी । आर्थिक अवस्था कमजोर भएपछि असुली धन्दामा लागेका तीन नेपाली सहित चार जनालाई भारतीय प्रहरीले गत आईतवार पक्राउ गरेका छन् ।
भारतको रानीगन्जमा बस्दै आएका २० वर्षीय निराजन तिरुब र २२ वर्षीय विशाल कुमार तथा सिन्धी कोलोनीमा बस्दै आएका २२ वर्षीय विक्रम बुढा सहित भारतकै ३४ वर्षीय प्रेम रायलाई लुटपाटको आरोपमा भारतीय प्रहरीले पक्राउ गरेका हुन् ।
उनीहरूको जागिर छुटेपछि आर्थिक अवस्था कम हुँदा मोबाइल लुट्ने योजना बनाए । गएको अगस्ट १० मा विशालको कोठामा बसेर योजना बनार उनीहरू स्थानीय रासोलपुरा एक्स रोडमा गए । उक्त स्थानमा उनीहरूले मानिसलाई धम्क्याएर मोबाइल मागेका थिए । मोबाइल दिएपछि उनीहरू त्यहाँबाट कुलेलम ठोके ।
पिडितहरुले दिएको उजुरीका आधारमा प्रहरीले उनीहरूलाई पक्राउ गरेर भारतीय न्याय संहिताअनुसार कारबाही अघि बढाएको छ । उनीहरूका साथबाट प्रहरीले ६ सेट मोबाइल फोन र दुईपांग्रे स्कुटी बरामद भएको जनाइएको छ । एजेन्सी ।
