तराई टप संवाददाता
रौतहट, ६ कार्तिक । विगत केही दिन अघि भएको वेमौसमी अविरल वर्षाको कारण आएको बाढी पहिरो र डुबानमा परेर अहिले सम्म १११ जनाको मृत्यु भएको छ भने ३७ जना वेपत्ता भएका छन् ।
प्रहरी प्रधान कार्यालय काठमाडौंको एक तथ्याँक अनुसार वेमौसमी बर्षा संगै आएको बाढीपहिरोमा परेर प्रदेश १ मा ६५, बागमती प्रदेशमा १, गण्डकी प्रदेशमा २, लुम्बिनी प्रदेशमा ४, कर्णाली प्रदेशमा ७ र सुदूरपश्चिम प्रदेशमा ३२ जनाको मृत्यु भएका हुन् ।
मुलुकभरीमा बाढी पहिरोमा परेर ४२ जना घाइते भएको प्रहरीले जनाएको छ । बाढी पहिरामा परी प्रदेश १ मा ११, २ मा एक, लुम्बिनी र कर्णाली प्रदेशमा एक÷एक र सुदूरपश्चिम प्रदेशमा २३ गरी ३७ जना वेपत्ता भएको छ । बाढी पहिरोमा परेर वेपत्ता भएकाहरुको स्थानीय तथा सुरक्षाकर्मीहरुले खोजी कार्यलाई जारी राखेको छ ।
बाढी पहिरोको कारण २२३२ वटा घर डुबानमा परेको, ७८ घर, १६ गोठ, ६ वटा पुल, एक विद्यालय र तीन सरकारी कार्यालयमा क्षति पुगेको छ । १८६ वटा पशु चौपाय मरेको प्रहरी प्रधान कार्यालय श्रोतबाट बुझिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन