भारतीय प्रधानमन्त्री नरेन्द्र मोदीलाई पाकिस्तान भ्रमणको निम्तो

इस्लामावाद, एजेन्सी । भारतीय प्रधानमन्त्री नरेन्द्र मोदीलाई पाकिस्तानको भ्रमण गर्न निम्तो गरिएको पाकिस्तानी पत्रिका डनमा खवर प्रकाशित भएको छ ।
पाकिस्तानले भारतीय प्रधानमन्त्री मोदीलाई अक्टोबरमा आयोजना हुने सांघाई सहयोग संगठनमा सरकार प्रमुखहरूको बैठकमा सहभागी हुने आमन्त्रित गरिएको पाकिस्तानी विदेश कार्यालयका प्रवक्ताले बिहीबार जानकारी दिएको हो ।
साप्ताहिक प्रेस ब्रिफिङका क्रममा पाक विदेश मन्त्रालयका प्रवक्ता मुमताज जाहरा बलोचले अक्टोबर १५–१६ मा हुने बैठकमा सहभागी हुनका लागि देशका प्रमुखहरूलाई निमन्त्रणा पठाइएको डन अखबारले जनाएको छ ।
“सोही क्रममा भारतीय प्रधानमन्त्रीलाई पनि निमन्त्रणा पठाइएको छ,” बलोचलाई उद्धृत गर्दै रिपोर्टमा भनिएको छ ।

श्रोतः पीटीआई