रौतहट, ८ कार्तिक । टी–२० विश्वकप अन्तर्गत चिर प्रतिद्धन्दी भारत र पाकिस्तान विच भएको खेलमा पाकिस्तान सामु भारतको लज्जाष्पद हार भएको छ ।
दुवईको शारजाहमा आईतवार राति भएको भारत पाकिस्तान विचको खेलमा शाहीन अफ्रिदीको अगाडी भारतीय स्टार ब्याट्म्यान निरीह सावित भए । शाहीनको उत्कृष्ट बलिङ तथा कप्तान बाबर अजाम र विकेटकिपर मोहम्मद रिजवानले उत्कृष्ट ब्याटिङको कारण पाकिस्तानले टी–२० विश्वकपमा भारत माथि ऐतिहासिक जित हात पारेको हो ।
सुपर १२ को आफ्नो पहिलो खेलमा पाकिस्तानले चिरप्रतिद्वन्द्वी भारतलाई १० विकेटले पराजित गर्दै ऐतिहासिक जित हात पार्न सफल भए । कुनै पनि विश्वकपमा भारत माथि पाकिस्तानको यो पहिलो जित हो । हालसम्म विश्वकपमा भारत र पाकिस्तान १३ पटक भिडेका छन्, जसमा भारत हावी थियो ।
भारतले दिएको १५२ रनको लक्ष्य पाकिस्तानले १७.५ ओभरमा विना विकेटको क्षति पूरा गर्यो । उसका लागि रिजवानले ५५ बलमा ६ चौका र ३ छक्का मद्दतमा अविजित ७८ रन बनाए भने कप्तान बाबरले ५२ बलमा ६ चौका र २ छक्का मद्दतमा अविजित ६८ रन बनाए ।
त्यसअघि टस हारेर पहिले ब्याटिङ गरेको भारतले ७ विकेट गुमाएर १५१ रन बनाएको थियो । भारतको सुरूवात निकै खराब भयो । शाहीनको पहिलो ओभरको चौथो घातक बलिङ अगाडी हिटम्यान रोहित शर्मालाई शुन्यमा एलबीडब्लू भए भने तेस्रो ओभरको पहिलो बलमा केएल राहुललाई बोल्ड भएपछि भारत निकै दवावमा आए ।
सूर्यकुमार यादव पनि ११ रनमा पभेलियन फर्किएपछि भारतले ३१ रन बनाउँदा तेस्रो विकेट गुमाएको थियो । उसको लागि कप्तान विराट कोहली र ऋषभ पन्तले ५३ रनको साझेदारी गरे । तर पन्तले ३० बलमा ३९ रन जोडे ।
त्यसपछि भारतीय व्याट्सम्यानले ठूलो साझेदारी गर्न सकेनन् । कप्तान कोहलीले ४९ बल खेल्दै ५ चौका र १ छक्का मद्दतमा ५७ रन बनाए । रवीन्द्र जडेजाले १३ र हार्दिक पाण्डेयले ११ रन बनाए । भुवनेश्वर कुमार ५ र मोहम्मद शामी शुन्यमा अविजित रहे ।
पाकिस्तानका लागि शाहीनले ३ विकेट लिए । यस्तै हशन अलीले २ तथा शदाब खान र हरिस राउफले समान १ विकेट लिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन