मोटरसाइकल चोरीको आरोपमा पटेल पक्राउ

रौतहट, १८ भदौं । रौतहट प्रहरीले मोटरसाइकल चोरी गरेको आरोपमा एक जनालाई पक्राउ गरेको छ ।
देवाही गोनाही नगरपालिका वडा नम्वर ४ बाट गत भदौं ५ गते बेलुकी प्रदेश ०३–०४८ प २४२२ नम्वरको मोटरसाइकल चोरी भएका थिए । मोटरसाइकल धनी संग रौतहटकै बौधीमाई नगरपालिका वडा नम्वर २ इनर्वा टोलका ४२ बर्षिय दिपेन्द्रप्रसाद पटेलले ४० हजार दिनुस मोटरसाइकल ल्याइदिन्छु भनेको थियो ।

उक्त डिमाण्डमा मोटरसाइकलधनी तयार भए, मोटरसाइकल लिएर पटेल आउदा प्रहरीले नियन्त्रणमा लिन सफल भएको जिल्ला प्रहरी कार्यालय रौतहटले जनाएको छ ।
पटेललाई नियन्त्रणमा लिई चोरी सम्बन्धी कसुरमा म्याद थप गराएर अनुसन्धान भईरहेको प्रहरी निरीक्षक उमाशंकर गुप्ताले बताए ।