बरहथवा नगरपालिकामा आँपको बोटमा पुरुष झुण्डिएको अवस्थामा फेला

तस्वीरः समाजिक संजालबाट

बरहथवा(सर्लाही), २३ भदौं । सर्लाही जिल्लाको बरहथवा नगरपालिका वडा नम्वर १५ स्थित आँपको रुखमा एक पुरुष व्यक्ति झुण्डिएको अवस्थामा फेला परेको छ ।
बरहथवा नगरपालिका वडा नम्वर १५ हरपुर्वा भन्दा ५० मिटर उत्तर दिशामा रहेका आँपको रुखमा झुण्डिरहेको अवस्थामा पुरुषलाई देखेपछि स्थानीयहरुले प्रहरीलाई खवर गरेका थिए ।
इलका प्रहरी कार्यालय बरहथवाबाट खटिएका प्रहरी टोलीले आँपको रुखमा झुण्डिएका व्यक्तिको पहिचान खुलेको छ । उनी बरहथवा वडा नम्वर ४ कटरिया टोलका अन्दाजी ५० बर्षिय अच्छेलाल कुवरको रुपमा पहिचान खुलेको हो ।
पारिवारिक श्रोतका अनुसार कुवर हिजो दिउसो १ बजे देखि सम्पर्क विहिन रहेको समेत इप्रका बरहथवाले जानकारी गराउदै यस विषयमा आवश्यक अनुसनधान भईरहेको बताइएको छ ।