पर्सा, २७ भदौं । पर्सा सदमुकाम वीरगञ्जबाट पासपोर्ट र भिसा नभएका एक बंगादेशी नागरिकलाई पर्सा प्रहरीले पक्राउ गरेको छ ।
पर्सा प्रहरीले चाँडपर्वलाई लक्ष्ति गर्दै वीरगञ्जका होटलहरुमा नियमित चेकजाँचको क्रममा वीरगञ्ज महानगरपालिका वडा नम्वर १६ बस पार्क स्थित आर्यन होटल एण्ड लजबाट शंकाष्पद अवस्थामा बंगलादेशी नागरिकलाई पक्राउ गरिएको हो ।
उक्त होटलको कोठा नम्वर २०२ बाट बंगलादेशको सिलेट होबीगंज होल्डिंग नम्वर ७७७ स्थायी ठेगाना भएका २९ बर्षिय मोहम्मद सहादत हुसेनलाई पक्राउ गरिएको पर्सा प्रहरीका प्रवक्ता एवं डिएसपी दिपक भारतीले बताए ।
पासपोर्ट र भिसा बिना बंगादेशी नागरिक कसरी बीरगञ्ज आईपुगेको हो भन्ने विषयमा प्रहरीले केही खुलाएको छैनन् । अनुसन्धान गरेर आवश्यक कारवाहीका लागि वीरगञ्ज स्थित अध्यागमन कार्यालयको जिम्मा लगाइएको डिएसपी भारतीले जानकारी दिए ।
