३० क्यूफिट सालको गोलीया बरामद

तराई टप संवाददाता
रौतहट, १० कार्तिक । रौतहटको वन क्षेत्रबाट सालको गोलीया बनाएर चोरी गरी लगिदै गरेको अवस्थामा मंगलवार राति जंगलसहियाबाट सात वटा सालको ४० क्युविक फिट काठ बरामद गरिएको छ ।
डिभिजन वन कार्यालय चन्द्रपुरको अनुसार विशेष सुराकीको आधारमा हरिनगर वन रेन्जपोष्ट र डिभिजन वन कार्यालयबाट खटिगएको सशस्त्र वन रक्षक सहितको टोलीले जंगलसहियाबाट सात वटा साइकलमा ३० क्यूफिट काठ बरामद गरिएको सेक्टर वन कार्यालय चोंचाका प्रमुख राजेश साहले बताए ।
यसैगरी अस्थायी प्रहरी चौकी छेदी चौक र गरुडा इलाका प्रहरी कार्यालय गरुडाको टोलिले मंगलबार रातिनै ३ थान सालको गोलिया करिब ७ क्युफिट काठ र ३ वटा साइकल बरामद गरेको छ । बरामद काठ सेक्टर बन कार्यालय चोंचा र ईलाका प्रहरी कार्यालय गरुडाको नियन्त्रणमा रहेको बताइएको छ ।