बोक्सीको आरोपमा महिलालाई कुटपिट गर्ने यादवलाई प्रहरीले नियन्त्रणमा लिए

तराई टप संवाददाता
सिरहा, ११ कार्तिक । बोक्सीको आरोप लगाउदै दलित महिलालाई कुटपिट गरेको आरोपमा सिरहा प्रहरीले एक जनालाई नियन्त्रणमा लिएको छ ।
सिरहाको कल्याणपुर नगरपालिका वडा नम्वर १० पर्चिलवा गाउँ बस्ने ५३ बर्षिया सेमादेवी चमारलाई बोक्सीको आरोप लगाएर चरम कुटपिट गर्ने स्थानीय युवक रामविलास यादवलाई प्रहरीले नियन्त्रणमा लिएको हो ।
व्यत्तिगत रिसिइवीको कारण यादवले महिलालाई बोक्सी भन्दै निर्घात कुटपिट गरेको पिडित पक्षले दिएको जाहेरीको आधारमा यादवलाई कल्याणपुर बजारबाट नियन्त्रणमा लिएको इलका प्रहरी कार्यालय मिर्चैयाका प्रहरी प्रमुख राजेन्द्र श्रेष्ठले जानकारी दिए । नियन्त्रणमा लिइएको यादवलाई विहिवार नै अदालतबाट म्याद थप गरी आवश्यक अनुसन्धान सुरु गरिएको उनले भने ।