सर्लाही, २५ कार्तिक । लागु औषध ओसार पसारको मुद्दामा आरोपित रहेका एक जना थुनुवा सर्लाही प्रहरीको हिरासतबाट भाग्न सफल भएका छन् ।
सर्लाही जिल्लाको हरिवन स्थित इलका प्रहरी कार्यालयको थुनुवा कक्षमा बरहथवा नगरपालिका वडा नम्वर ९ मुर्तियाका रामअयोधी मुखिया हिजो शनिवार फरार भएका थिए ।
लागुऔषध ओसारपसार गरेको आरोपमा पक्राउ परेर न्यायिक हिरासतमा रहेका मुखिया फरार भएपछि उनलाई समात्न व्यापक संख्यामा प्रहरी परिचालन समेत गरियो । श्रोतका अनुसार उनलाई प्रहरीले नियन्त्रणमा लिएपनि आधिकारिक रुपमा नियन्त्रणमा आइसकेको पुष्टि हुन बाँकी रहेको बुझिएको छ ।
प्रहरीको थुनुवा कक्षबाट थुनुवा भाग्ने घटनाले सर्लाही प्रहरीको कार्यशैली माथि गम्भीर प्रश्न चिन्ह खडा भएको मिडिया रिपोर्टमा चिन्ता व्यक्त गरिएका छन् । थुनुवा फरार भएपछि इलाका प्रहरी कार्यालय हरिवनमा कार्यरत हिरासत व्यवस्थापन अधिकृत, सेन्ट्री सहित ४ जना सुरक्षाकर्मीलाई जिल्लामा झिकाएर छानविन सुरु गरिएको जिल्ला प्रहरी कार्यालय मलंगवा श्रोतबाट बुझिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन