तराई टप संवाददाता
काठमाडौं, २३ कार्तिक । प्रधानसेनापति प्रभुराम शर्मा भारतको चार दिने औपचारिक भ्रमणको लागि मंगलवार नयाँ दिल्ली तर्फ प्रस्थान गरेका छन् ।
भारतीय सेनाध्यक्ष एमएम नरवणेको निमन्त्रणामा उनी कार्तिक २३ देखि २६ गते सम्म चार दिने औपचारिक भ्रमणको लागि नयाँ दिल्ली तर्फ प्रस्थान गरेका हुन् ।
चार दिने भारत भ्रमणको अवसरमा प्रधानसेनापति शर्मालाई भारतीय राष्ट्रपतिबाट भारतीय सेनाको मानार्थ महारथीको दर्जाबाट सम्मान गर्ने कार्यक्रम रहेको छ । उनलाई कार्तिक २४ गते बुधबार मानार्थ महारथीको सम्मान गर्ने कार्यक्रम रहेको सैनिक जनसम्पर्क तथा सुचना निर्देशनालयले जनाएको छ ।
नेपाल र भारतबीच एक–अर्का मुलुकका प्रधानसेनापतिलाई मानार्थ महारथीको दर्जा प्रदान गर्ने विगत ५० बर्ष अघि देखि चलिआएको अनुपम परम्परा छ । नेपालका प्रधानसेनापति सुरेन्द्रबहादुर शाहलाई विसं २०२६ मा पहिलो पटक भारतीय सेनाको मनार्थ महारथीको दर्जाबाट विभूषित गरेको अभिलेख रहेको छ ।
नयाँ दिल्ली भ्रमणका क्रममा प्रधानसेनापति शर्माले समकक्षी जनरल नरवणे लगायत भारतीय सेनाका उच्च पदस्थ अधिकारी सँग समेत भेटवार्ता हुनेछ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन