कटहरियामा हावा टंकी विस्फोट, एकको मृत्यु एक घाइते

तराई टप संवाददाता
रौतहट, ३ मंसिर । रौतहटको कटहरिया नगरपालिकाको कटहरिया बजारमा रहेको मोटरसाइकल वर्कसपमा रहेको हावा टंकी पड्कीडा वर्क संचालकको छोराको मृत्यु भएको छ भने अर्को घाइते भएका छन ।
कटहरिया नगरपालिका ५ स्थित बजारमा गोबरी मियाँले संचालन गरेको मोटरसाइकल वर्कसपमा टंकीमा हावा भर्ने क्रममा शुक्रवार दिउसो १२ बजेको समयमा विस्फोट हुँदा स्थानीय गोबर मियाँको २० बर्षिय छोरा समसलको मृत्यु भएका हुन् । हावा टंकीको भाग उछिटिएर समसुलको टाउकोमा गहिरो घाउ लाग्दा गिद्दी समेत फुटेर बाहिर आउदा मृत्यु भएपछि प्राथमिक उपचार पछि थप उपचारको लागि विरगंज तर्फ जाने क्रममा बाटोमै मृत्यु भएको इलाका प्रहरी कार्यालय गरुडाले जनाएको छ ।
वर्कसपमा काम विशेषले बसिरहेका स्थानीय २५ बिर्षय जैसी यादवको दाहिने हातमा गम्भीर चोट लागेको छ । यादवको स्थानीय अस्पतालमा उपचार भईरहेको इप्रका गरुडाका डिएसपी श्रीराम भण्डारीले जानकारी दिए ।
हावा टंकी विस्फोट भएपछि टंकीको भाग उछिटिएर बिधुतको तार समेत चुंडिए । ग्यारेज संचालक समसुल मियांले पम्पसेट चलाएर हावा टंकिमा हावा भरिरहेको क्रममा पड्केकोले हावा बढी भएर घटना भएको डिएसपी भण्डारीले आशंका व्यक्त गर्दै घटना सम्बन्धमा आवश्यक अनुसन्धान भईरहेको बताए ।