रौतहट, २९ माघ । रौतहटको चन्द्रपुर नगरपालिका स्थित पूर्व पश्चिम राजमार्गमा पर्ने चाँदी पुल नजिक मंगलवार विहान स्कारपिओ र मालबाहक ट्रक एक आपसमा ठोक्किदा पाँच जना घाइते भएका छन् ।
चन्द्रपुर नगरपालिका वडा नम्वर ५ चाँदी पुल नजिक आज विहान ८.२० बजेको समयमा चन्द्रपुरबाट सर्लाही जाँदै गरेका ना.४ च.३६९४ नम्वरको स्कारपिओ र विपरित दिसाबाट आउदै गरेका बा.प्र. ०१–००६ ख ५७२९ नम्वरको मालबाहक ट्रक एक आपसमा ठोक्किदा स्कारपिओका चालक सहित पाँच जना घाइते भएका हुन् ।
जिल्ला ट्राफिक कार्यालय चन्द्रपुरका अनुसार घाइते पाँच जना मध्ये बारा जिल्ला सिम्रौनगढ नगरपालिका वडा नम्वर ७ का २८ बर्षिय सन्तोष कुशवाहाको टाउको, निधारमा चोट लाग्दा अवस्था गम्भीर रहेको छ ।
रौतहट मौलापुर नपा ३ का २० बर्षिय सुदिपकुमार यादव, दुर्गा भगवती गाउँपालिका वडा नम्वर ५ का १८ बर्षिय प्रशान्त ठाकुर, बौधीमाई नगरपालिका ३ मटिअर्वा घर भएका २१ बर्षिय स्कारपिओ चालक रामविनोद महतो र सोही नगरपालिका वडा नम्वर २ का १८ प्रदीप कुशवाहा घाइते भएको बताइएको छ ।
घाइतेहरुको टाउको, निधार, हात, आँखा लगायतका शरिरको विभिन्न भागमा चोट लाग्दा उनीहरुको चन्द्रपुर अस्पताल प्रालीमा उपचार भईरहदा अवस्था खतरामुक्त रहेको इलाका प्रहरी कार्यालय चन्द्रपुरले जनाएको छ । गम्भीर घाइते कुशवाहको पनि सोही अस्पतालमा उपचार भईरहेको र उनको अवस्था स्थिर रहेको इलाका प्रहरी कार्यालय चन्द्रपुरको श्रोतबाट बुझिएका छन् ।
ट्रक चालक दोलखा जिरी नगरपालिका वडा नम्वर ४ का २८ बर्षिय फुरी तामाङलाई सहित ट्रक र स्कारपिओ इलाका प्रहरी कार्यालय चन्द्रपुरको नियन्त्रणमा राखेर आवश्यक अनुसन्धान भईरहेको छ ।

प्रहरीको कन्ट्रोल कक्षमा फोन गर्दा अपशब्द भाषाको प्रयोगलाई लिएर प्रदेश प्रहरी कार्यालयको ध्यानाकर्षण
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन