रौतहट । ‘प्रेम अन्धो हुन्छ’ हामी धेरैले सुनेका छौँ । अर्को महत्वपूर्ण भनाई, ‘लडाँई र मायामा सबथोक जायज हुन्छ ।’ यस्तै एक घटना अहिले सार्वजनिक भएको छ । भारतको आन्ध्र प्रदेशको विजयवाडाबाट एक जोडीको दुःखद रुपमा अन्त्य भएका छन् ।
त्यहाँको एक युगल जोडीले गरेको हर्कतको कारण उसको परिवार मात्रै भई सुन्ने सबैलाई हैरान पारेको छ । २४ बर्षको युवती थिइन, उनी कोभिड–१९ सेन्टरमा नर्सको रूपमा काम गर्थिन् । त्यस घटनामा प्रेमी युवकको पनि मृत्यु भएको छ ।
वास्तवमा घटना के भने मुना र मदन गत चार बर्षदेखि प्रेम सम्बन्धमा थिए । यस बीच, ती दुई बीच केही मनमुटाव भएको थियो । त्यसपछि मुना र मदनले सम्बन्ध विच्छेद गर्ने निर्णयमा पुगे । मुनाले मदनसँगको सम्बन्ध समाप्त गरेर आफ्नो जीवन आरामले जीउन थालिन् ।
तर मदनले उक्त निर्णयमा टिक्न तयार थिएनन् । उनले मुनालाई विवाहको लागि निरन्तर दबाव दिन थाले । यस बाहेक, मदनले मुनालाई निरन्तर पछ्याउन थाले । मदनको यस्तो व्यवहारले मुना साह्रै दुखी भइन् । हैरान भएपछि मुनाले मदनका विरुद्ध प्रहरी चौकीमा गएर निवेदन दर्ता गराउने निर्णय गरिन् । यही ५ अक्टुबरमा, मुना आफ्नो पूर्वप्रेमी मदनसँग रिसाएर विजयवाडाको गभर्नपेट प्रहरी चौकीमा निवेदन दर्ता गर्न गइन् ।
मुनाको निवेदनपछि प्रहरीले तुरुन्त बोलाएर मदनलाई आउँदा दिनहरुमा पछ्याउने काम नगर्नु भन्दै चेतावनी दिएर छोड्यो । मदनले त्यसपछि एउटा वचन दिए, जसमा उनले अबदेखि मुनालाई नपछ्याउने बताएका थिए । त्यसपछि मुनाले पनि निवेदन फिर्ता लिईन् । यसरी उक्त उजुरी समाप्त गरियो । तर मुनालाई थाहा थिएन कि यस निवेदनको नतिजा एकदम भयानक हुनेछ ।
मुना सोमबार कामबाट घर फर्कदै थिईन् । त्यस समयमा मदनले उनको पछि–पछि कराउँदै आए । यसबीचमा उनीहरु बीचमा विवाद पनि भयो । मदन, मुना प्रहरी चौकीमा पुगेको कुराले असाध्यै रिसाएका थिए । केहि बेरमा, कुरा यत्ति धेरै भयो कि मदनले पेट्रोल मुनामाथि खन्याएर आगो बालिदियो ।
आगो लागेपछि मुनाले मदनलाई पनि जोडले तानेर अंगालो हालिन् । आगोले उनीहरु दुबैलाई नराम्ररी क्षति गरे । प्रहरीका अनुसार उनीहरु चिच्याएको आवाज सुनेर त्यहाँ मान्छेहरु आएका थिए । स्थानीयले आगो निभाएर उनीहरुलाई अस्पतालमा भर्ना गरे तर उपचारको क्रममा दुबैको मृत्यु भयो ।
नोटः तराई टपले माथि प्रयोग गरेका नाम (मुना र मदन) परिवर्तन गरिएको काल्पिनक नामहरु हुन् । यस घटनामा ज्यान गुमाउनेहरुको नाम प्रहरीले विशेष कारण देखाउँदै सार्वजनिक गरेको छैन । अहिलेको समयमा युवा युवतीहरु प्रेममा हराएर आफ्नो जीवन दिन पनि पछि पर्दैनन् । त्यसलाई केही हदसम्म रोक्नका लागि सहयोगी हुन्छ कि भन्ने लागेर हामीले यो सामाग्री तयार पारेका हौँ । यसरी भएको मृत्युलाई मान्छेहरु बहादुरी मान्दैनन्, यो एक कायरता पूर्ण काम हो । त्यसकारण जुनसुकै समस्या भए पनि डटेर सामना गर्न सिक्नु पर्छ, मृत्यु नै समस्याको समाधान होईन । आफुले पढेपछि सबैंको जानकारीका लागि सक्दो सेयर गर्नुहोला ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन