तराई टप संवाददाता
जनकपुर, ९ मंसिर । भारतका मुम्बईमा भएको २६÷११ को आतंकवादी हमलाको सम्झनामा राष्ट्रिय एकता अभियानको अगुवाईमा युवाहरुले जनकपुरमा विहिवार मोटरसाइकल रयाली प्रदर्शन गरेको छ ।
भारतको मुम्बईमा भएको आतंकवादी हमलाको स्मरणमा मोटरसाइकल रयाली प्रदर्शन गरिएको हो । स्थानीय रेल्बे स्टेशनबाट निकालिएको मोटरसाइकल रयाली भानु चोक, शिव चोक, जनक चोक हुँदै जानकी मन्दिरमा गएर टुँगिएको थियो ।
प्रदर्शन गर्ने क्रममा युवाहरुले पाकिस्तानले आतंकवादलाई प्रश्रय दिएको भन्दै बिभिन्न नारा लेखिएको प्लेकार्ड लिएर रयालीमा भाग लिएका थिए । विश्वशान्तिको दुश्मन पाकिस्तान, आतंकवादको पहिचान – पाकिस्तान, लादेन कहाँ भेटिए–पाकिस्तानमा, आतंकवादलाई प्रश्रय दिने मुलुक अपराधी हो, आतंकी अखडाहरू नष्ट गर पाकिस्तानबाट, आतंकी परिचालन बन्द गर, मानवअधिकारको उल्लंधन बन्द गर, धार्मिक अतिवादको अन्त्य गर, कट्टरपन्थी मुर्दावाद, विश्व शान्ति कायम गर, संघीय हिन्दु गणतन्त्र नेपाल–जिन्दावाद सहितका नारा लेखिएको प्लेकार्ड उनीहरुले बोकेर प्रदर्शन गरे ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन