रौतहट, ३० चैत । हनुमान जयन्तीको अवसरमा विश्व हिन्दू परिषद् नेपाल, वीरगञ्ज महानगर समितिले आयोजना गरेको शोभायात्राको क्रममा शनिवार अपरान्ह् दुई समुदायबीच झडप भई अवस्था तनावपूर्ण बन्दै जाँदा शान्ति सुव्यवस्था कायम राख्ने हेतु स्थानीय प्रशासनलाई कर्फ्यु आदेश जारी गर्नुपरेको छ ।
आज अपराह्न करिब ४ बजे पछि सुरु भएको शोभा यात्रा वीरगञ्ज महानगरपालिका–२ श्रीराम हल नजिक रहेका जामा मस्जिद अगाडी यात्रा पुगेपछि दुई समूहबीच झडपको अवस्था सिर्जना भएपछि अवस्थालाई नियन्त्रणमा लिन प्रारम्भीक कोशिष गरिएपनि अवस्था झन् उग्र हुन थालेपछि कर्फ्यु आदेश जारी गर्नु परेको हो ।
शोभायात्रामा हिडेकाहरूलाई मस्जिदबाट ढुंगा प्रहार भएपछि सुरु भएको झडप तनावग्रस्त बनेको बताइएको छ।
अवस्था तनावग्रस्त बनेपछि प्रहरीले पाँच सेल अश्रुग्यास फायर गरेको थियो । झडपका क्रममा एक थान मोटरसाइकलमा आगजनी समेत भएको थियो । सोही ठाउँमा एउटा फ्रिज पनि पसलबाट बाहिरि निकालेर आगजनी भएको प्रहरीले जनाएको छ ।
घटनास्थलमा खटिएका ८ जना प्रहरी घाइते भएका छन् । जसमध्ये तीन जनाको नारायणी श्रेत्रीय अस्पतालमा उपचार जारी छ ।
उक्त झड्पमा शोभा यात्रामा निस्किएका युवकहरु पनि घाइते भएको बताइएपनि प्रहरीले अवस्थालाई पूर्ण नियन्त्रणमा लिएर कर्फ्यु लगाएको छ ।
साँझ साढे ६ बजेदेखि भोलि १२ बजेसम्मका लागि कर्फ्यु आदेश जारी गरिएको बताइएको छ ।
प्रमुख जिल्ला अधिकारी गणेश अर्यालले स्थानीय प्रशासन ऐन, २०२८ को दफा ६ (क) बमोजिम मिति २०८१ साल चैत्र ३० गते साँझ ६ः३० बजेदेखि मिति २०८१ साल चैत्र ३१ गते दिउँसो १२ः०० बजेसम्म कर्फ्यु लागू गरिएको हो । प्रशासनले अत्यावश्यक सेवामा संलग्न सवारीसाधन र व्यक्तिहरूले आवश्यक कागजातसहित परिचय खुल्नेगरी मात्र आवतजावत गर्न पाउने स्पष्ट पारेको छ । उल्लंघन गर्नेलाई कानुनी कारबाही गरिने चेतावनी समेत प्रशासनले दिएको मिडिया रिपोर्टमा उल्लेख गरिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन