सेनाको एमआई–१७ हेलिकप्टर दुर्घटना, चिफ अफ डिफेन्स स्टाफ जनरल विपिन रावत सहित १३ जनाको मृत्यु

373 Shares

तराई टप
रौतहट, २२ मंसिर । भारतमा सेनाको एमआई–१७ हेलिकप्टर दुर्घटना हुँदा चिफ अफ डिफेन्स स्टाफ जनरल विपिन रावत सहित १३ जना सैनिक अफिसरको मृत्यु भएको छ ।
चिफ अफ डिफेन्स स्टाफ जनरल विपिन रावत सहित १४ जना सेनाको अफिसर सवार थिए जसमध्ये १३ जनाको मृत्यु भएको छ भने एक जनाको सैनिक अस्पतालमा उपचार भईरहेको बताइएको हो ।
रक्षामन्त्री राजनाथ सिंहले बुधबार घटनाबारे संसद्लाई जानकारी दिएको भारतीय सञ्चार माध्यामहरुले जनाएका छन् । रावत सन् २०२० जनवरी १ मा देशको पहिलो चिफ अफ डिफेन्स स्टाफ नियुक्त भएका थिए । वायु सेनाले घटनाको कारण पत्ता लगाउन जाँचको आदेश दिएको छ ।
चिफ अफ डिफेन्स स्टाफ विपिन रावतसहित उच्च अधिकारी चढेको हेलिकप्टर तामिलनाडुको निलगिरि नजिकै कुन्नर भन्ने ठाउँमा दुर्घटनामा भएको थियो । इन्डियन एयर फोर्सले पनि ट्विटरमार्फत सेना प्रमुख रावतसहितको टोली रहेको एमआई–१७ भी ५ हेलिकप्टर दुर्घटनामा परेको बताएको छ ।
दुर्घटनाग्रस्त हेलिकप्टरमा रावतसहित १४ जना सवार रहेको इन्डियन एक्सप्रेसले जनाएको छ । हेलिकप्टरमा सेना प्रमुख रावतकी पत्नी पनि रहेको समाचारहरुमा जनाइएको छ । तामिलनाडुको सुलुरस्थित सैन्य शिविरबाट वेलिङटन जाने क्रममा हेलिकप्टर दुर्घटना भएको थियो ।

सम्बन्धित समाचार