सर्लाही, २ साउन । सर्लाहीको हिरापुरमा रहेका इलाका प्रहरी कार्यालयका प्रहरी नायव निरीक्षक (सई) बैजनाथ दासको जिम्मेवारी खोस्दै निलम्बन गर्न प्रक्रिया अघि बढाइयो ।
हिरापुरको बाटो प्रयोग गरेर अबैध सामानहरु लग्ने तस्कर र सई दास बीच लेनदेनको बिषयमा भईरहेको कुराकानीको अडिया संवाद बाहिरिएपछि निजलाई निलम्बन गर्न प्रक्रिया माथिल्लो निकायमा पठाइएका हुन् ।
सई दास–तस्कर र विश्वास पात्र (घुमुवा) प्रहरी जवान सन्तोष यादव (पातलो) संग भएको त्रिपक्षीय लेनदेन र मोलमोलाई को अडियो संवाद सार्वजनिक भएपछि जिल्ला प्रहरी कार्यालय सर्लाहीले शुक्रवार सई दास जिम्मेवारी खोस्दै बरहथवामा तानेर निजलाई निलम्बन गर्नका निमित्त मधेश प्रदेश प्रहरी कार्यालय हुँदै प्रहरी प्रधान कार्यालयमा सिफारिस पत्र पठाइएको जिल्ला प्रहरी कार्यालय सर्लाहीका प्रवक्ता एवं डिएसपी सरोज राईले जानकारी दिए ।
इलाका प्रहरी कार्यालय हिरापुर सर्लाहीका सई बैजनाथ दास र तस्कर बीच भईरहेको अडियो संवादको अंश
डिएसपी राईका अनुसार, सई दर्जाका कर्मचारीलाई जिल्लाबाट निलम्बन गर्न नसकिने भएको हुँदा प्रदेश कार्यालय भएर प्रहरी प्रधान कार्यालयमा सिफारिस पत्र पठाइएको
तथा प्रहरी जवान सन्तोषकुमार यादवलाई बरहथवामा तानेर निजलाई आजै निलम्बन गरिने बताए ।
तस्कर र सईको अडियो संवाद के हो ?
सर्लाहीका चर्चित तस्कर राजिव यादवको तस्करी कार्यमा सघाउ पुर्याउनका लागि प्रहरी नायव निरीक्षक सइ दासले घुमुवा जवान यादव मार्फत १८ हजार रुपैया माग गरेको सुनिन्छ । तस्करले १० हजार दिन्छु भन्दा निकै स्वरमा सई दासले थर्काउन खोज्दा अहिले १५ हजार लिनुस बाँकी पछि दिउला भन्ने सुनिन्छ ।
स्मरणीय छ, मधेस प्रदेश प्रहरी कार्यालयका तत्कालीन प्रमुख डिआइजी धिरज प्रताप सिहले पर्सा जिल्लामा तस्कर संग घुस लिएको आरोपमा सइ दासलाई निलम्बन गरेका थिए । जिल्ला प्रहरी कार्यालय पर्सामा सइ दास घुमुवाको रुपमा कार्यरत थिए । सइ दासले पर्सा जिल्लामा तस्करी गराउनको लागि तस्कर संग लेनदेन गरेको अडियो र भिडियो त्यतिबेला पनि बेहिरिएका थिए । मधेस प्रदेश कार्यालय जनकपुरले करिब चार वर्ष अघि उनललाई निलम्बन गरेका थिए ।
सर्लाहीको अधिकाँश युनिट मध्ये ख श्रेणीमा रहेका इलाका प्रहरी कार्यालय हिरापुरको बाटो नेपाल भारत सिमाको अधिकास भाग जोडिएको छ । जिल्लाका अधिकाश युनिट इन्चार्जको अवधी छ महिना रहने गरेकोमा सइ दास करिब ८ महिनादेखी हिरापुरमा अडा जमाएर बसेका थिए ।