श्रोत नखुलेको १६ लाख नेपाली नोट सहित एक भारतीय नागरिक वारा प्रहरीको कब्जामा

तराई टप
कलैया, ९ पुस । १६ लाख नेपाली रुपयाँ सहित एक भारतीय नागरिकलाई वारा प्रहरीले पक्राउ गरेको छ ।
भारत बिहार पूर्वी चम्पारण आदापुरका २२ वर्षीय रन्देश कुशवाहालाई कलैया उपमहानगरपालिकाको १० मटिअर्वा स्थित नहर चोकबाट पक्राउ गरिएको हो । विशेष सुचनाको आधारमा प्रहरीले चेकजाँचको क्रममा विआर २२ एन ५०१४ नमवरको मोटरसाइकल सवार व्यक्तिलाई नियन्त्रणमा लिदा उक्त रकम फेला परेको बारा प्रहरीले जनाएको छ ।
भारतीय नागरिक कुश्वाहाको साथबाट १ हजारको १ हजार ३ सय थान र ५ सय दरको ६ सय थान गरी १६ लाख श्रोत नखुलेको रकम बरामद भएको जानकारी दिदै वारा प्रहरीले सो विषयमा आवश्यक अनुसन्धान गरी आवश्यक कारवाहीको लागि राजस्व अनुसन्धान कार्यालय पथलहिया पठाउने बताइएको छ ।