तराई टप
काठमाडौं ९ पुस । भारतको गुजरातमा हुन लागेको “भाइब्रेन्ट गुजरात ग्लोबल समिट” मा भाग लिन नेपालको प्रधानमन्त्री शेरबहादुर देउवा पुस २५ चार दिने भ्रमणमा भारत जाने तयारी भईरहेका छन् ।
भारतीय प्रधानमन्त्री नरेन्द्र मोदीको गृहराज्य गुजरातको गान्धीनगरमा पुस २६ देखि २८ सम्म हुन लागेको “भाइब्रेन्ट गुजरात ग्लोबल समिट” मा भाग लिन प्रधानमन्त्री देउवा भारत तर्फ जान लागेका हुन् ।
परराष्ट्र मन्त्रालय स्रोतका अनुसार भारतको तर्फबाट देउवाको भ्रमणका लागि प्रस्ताव आएको र नेपाली पक्ष सकारात्मक देखिएको छ । प्रधानमन्त्री देउवाले पनि परराष्ट्र मन्त्रालयलाई भ्रमणको तयारी बारे गृहकार्य गर्न निर्देशन दिइसकेको बुझिएको छ ।
मन्त्रालयले पुस २५ देखि २७ गतेसम्मको मितिको तयारी गरेको छ, परराष्ट्र मन्त्रालयका एक अधिकारीले भने, यो अन्य बेलाको जस्तो राजकीय भ्रमण होइन । स्रोतका अनुसार सम्मेलनमा प्रधानमन्त्री देउवाले कुनै एक सत्रमा आफ्नो विचार राख्ने गरी गृहकार्य भइरहेको छ । कार्यक्रमकै दौरान देउवाले भारतीय प्रधानमन्त्री मोदी सँग द्वीपक्षीय भेटवार्ता पनि गर्ने बताइएको छ ।
मोदी सँगको भेट गान्धीनगरमा हुने वा नयाँ दिल्लीमा हुने बारेमा गृहकार्य भइरहेको छ । ‘द्वीपक्षीय भेटवार्तामा दुई मुलुकबीच कुन विषयबारे छलफल गर्ने भन्ने सम्बन्धमा मन्त्रालयले गृह कार्य गरिरहेको छ,’ परराष्ट्र मन्त्रालयका एक अधिकारीले भने ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन