तराई टप
काठमाडौं, १५ पुस । प्रहरी प्रशिक्षण प्रतिष्ठान (प्रहरी एकेडेमी) को भौतिक संरचना बनाउनका लागि भारतीय अनुदानलाई नेपाल सरकारले स्वीकृति प्रदान गरेको छ ।
भारतीय अनुदानमा निर्माण हुने प्रहरी प्रशिक्षण प्रतिष्ठान बनाउने करिव २६ बर्ष अघि भएको सहमती अहिले आएर कार्यान्वयनको चरणमा प्रवेश गरेको हो । भारतमा बनेको डिटेल प्रोजेक्ट रिपोर्ट (डिपिआर) र निर्माण सम्बन्ध बोलपत्रको मस्यौदा नेपाल सरकारले स्वीकृत गरेसंगै निर्माण प्रक्रिया आधिकारिक रुपमा सुरु भएका छन् ।
करिव पौने ९ अर्ब रुपैयाको लागतमा निर्माण गरिने प्रहरी प्रशिक्षण प्रतिष्ठानको भौतिक संरचना सहित आधुनिकिकरण निर्माणको लागि प्रहरी प्रधान कार्यालयले गत बुधवार अन्तरराष्ट्रिय बोलपत्र आह्वान गरेका छन् ।
भारतले गत नोभेम्बरमा नेपालको सार्वजनिक खरिद ऐन र नियमावलीका प्रावधान सँग बाझिने गरी बोलपत्रको मस्यौदा बनाएर पठाएको थियो । त्यसपछि प्रहरी प्रधान कार्यालयले कानुनी प्रावधान सँग बाझिएका विषय संशोधनका लागि गृह मन्त्रालयले पत्र लेखेको थियो । त्यही पत्रका आधारमा गृह मन्त्रालयले भारतीय प्रस्ताव अनुसार नै एकेडेमी निर्माण गर्ने गरी बोलपत्रको मस्यौदा स्वीकृत गरेको हो ।
पछिल्लो पटक काठमाडौं स्थित भारतीय दूतावासले गत कात्तिक २३ (नोभेम्बर ९) मा पत्र पठाउँदै अन्तरराष्ट्रिय बोलपत्र छिटो आह्वान गर्न प्रहरी प्रधान कार्यालयलाई ताकेता गरेको थियो । दूतावासको पत्रपछि प्रतिष्ठानका कार्यकारी निर्देशक एवं एकेडेमी सम्बन्धी ‘प्रोजेक्ट कोअर्डिनेसन युनिट’ (पीसीयू) प्रमुख प्रहरी अतिरिक्त महानिरीक्षक (एआईजी) नीरजबहादुर शाहीको अध्यक्षतामा मंसिर ८ मा बैठक बसेको थियो ।
बैठकले यस सम्बन्धी कानुनी अड्चन समाधान गर्न गृह मन्त्रालयलाई राय सहितको पत्र लेखेको थियो । बोलपत्रमा एकेडेमी डिजाइन, खरिद र निर्माण (ईपीसी) मोडलमा १ हजार ९५ दिन अर्थात् ३ वर्ष भित्र सम्पन्न गरिसक्नुपर्ने उल्लेख छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन