रौतहट, १५ वैशाख । रौतहट प्रहरीले सरेन्सर झिकेर ध्वनि प्रदूषण फैलाउँदै गरेको आरोपमा तीन वटा मोटरसाइकल नियन्त्रणमा लिएका छन् ।
जिल्ला प्रहरी कार्यालय रौतहटबाट खटिएको प्रहरी गस्ती टोलीले वैशाख १३ र १४ गते गौर नगरपालिका क्षेत्रभित्र गस्ती गर्ने क्रममा विभिन्न चोक, बजार तथा हाट क्षेत्रबाट तीन वटा मोटरसाइकल नियन्त्रणमा लिएको जिल्ला प्रहरी कार्यालय राैतहटले जनाएका हुन्।
राैतहट प्रहरीका प्रवक्ता तथा डिएसपी बिष्णु प्रदिप बस्यालका अनुसार मोटरसाइकलमा धुवा फाल्ने सलेन्सर, भाइजर, सकर, सिट, लेगार्डलगायतका पार्टपुर्जा परिवर्तन गरी ठूलो आवाज निकाल्ने बनाएर सडकमा गुडाइरहेको अवस्थामा तीन वटा मोटरसाइकल नियन्त्रणमा लिएको छ ।
प्रहरीले गस्तीकाे समयमा भारतीय नम्बर बिआर ०६ डिजे ९९३५ नम्बरको यामाहा, बिआर ०६ डिसि ८३९८ नम्बरको एमटी–१५ र ना ४१ प ४८७३ नम्बरको एफजेड मोटरसाइकल नियन्त्रणमा लिई आवश्यक कारबाहीका लागि यातायात व्यवस्था कार्यालय गौरमा पठाईएकाे डिएसपी बस्यालले जानकारी दिए।
प्रहरीले स्वरूप परिवर्तन गरी ध्वनि प्रदूषण गर्ने तथा सर्वसाधारणलाई असर पर्ने गरी सवारीसाधन सञ्चालन नगर्न आग्रह गर्दै यस्ता गतिविधिमाथि निगरानी र कारबाहीलाई निरन्तरता दिइने जनाए।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन