सर्लाही, २४ वैशाख । सर्लाहीको बरहथवा नगरपालिका–५ मा शिक्षक–शिक्षिकाहरूलाई लक्षित गर्दै आँखा स्वास्थ्य सम्बन्धी जन चेतनामूलक तालिम सम्पन्न गरिएको छ ।
विद्यालय तहबाटै विद्यार्थीहरूको आँखा स्वास्थ्य समस्याको पहिचान र समयमै समाधान गर्ने उद्देश्यले कार्यक्रम आयोजना गरिएको हो ।
स्वास्थ्य तथा जनसंख्या मन्त्रालयको आर्थिक सहयोग तथा नेपाल नेत्र ज्योति संघद्वारा सञ्चालित गौर आँखा अस्पताल ले बिहीबार बरहथवा–५ स्थित श्री चक्र जनता शहिद गंगा माध्यमिक विद्यालयमा नीजि, सामुदायिक र मदर्शाको गरेर ३६ जना शिक्षक–शिक्षिकालाई तालिम प्रदान गरियो ।
नेत्र अधिकृतहरू शिवकुमार यादव, राजिवकुमार यादव तथा सत्येन्द्र पाण्डेले विद्यालयमा अध्ययनरत छात्रछात्राहरूमा देखिन सक्ने विभिन्न आँखा रोग, त्यसका प्रारम्भिक लक्षण, बच्ने उपाय तथा समयमै उपचारको महत्वबारे जानकारी गराए ।
कार्यक्रममा सहभागी शिक्षकहरूले विद्यालयमै विद्यार्थीको आँखा परीक्षण तथा समस्या पहिचानमा यस तालिमले उपयोगी सावित हुने आयोजकको धारणा रहेको छ ।
आयोजकका अनुसार विद्यालयस्तरबाटै आँखा स्वास्थ्यबारे जनचेतना विस्तार गर्दै बालबालिकामा हुने दृष्टिसम्बन्धी समस्या न्यूनीकरण गर्ने लक्ष्यका साथ सर्लाहीको बरहथवा नगरपालिकामा विहिवार तेश्रो दिन शिक्षक शिक्षिकाहरुलाई तालिमको माध्यमबाट सीप सिकाइएको सत्येन्द्र पाण्डेले जानकारी दिए ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन