रौतहट, ३० वैशाख । राजपुर नगरपालिका–१ बौहर्बा गाउँमा उपल्लो समुदायको किशोरीलाई दलित समुदायको युवकले भगाएर लगेको विषयलाई लिएर युवकको हजुर वुवा माथि हातपात गरिएका छन् ।
यादव समुदायकी किशोरीलाई दलित समुदायका युवकले भगाएको आरोप लगाउँदै केही व्यक्तिहरूले दलित परिवारमाथि कुटपिट, धम्की तथा मानसिक यातना दिएको युवक पक्षले गम्भीर आरोप लगाएका हुन् ।
गत शनिवार माधव नारायण नगरपालिका घर भई बौहर्बा स्थित मामाघर रहेका २२ वर्षीय गुड्डु कमार रामले एक किशोरीलाई भगाएर आरोपमा यादव समूह आक्रोशित बनेका थिए ।
सोही आरोपमा आईतवार राति युवकको मावली पक्षका ७० वर्षीय हजुरबा हिरा राम र ६५ वर्षीया हजुरआमा फुलियादेवी रामलाई लछारपछार गर्दै कुटपिट गर्दा दुवै जना गौर अस्पतालमा भर्ना भएर उपचार गराइरहेका छन् ।
घाइते हिरालाल भन्छन् यादव पक्षका व्यक्तिले काठमाडौमा रहेका बुहारी पुनमकुमारी रामलाई धम्की दिँदै मोबाइल समेत खोसिएको छ ।
पीडकहरू दुर्गा राय यादव, अनिल राय यादव, विजय यादव, कैलाश राय यादव, अभय यादव र विरेन्द्र राय यादवलगायत व्यक्तिहरू माथि कुटपिट तथा धम्की दिएको आरोप लगाउदै जिल्ला प्रहरी कार्यालय रौतहटमा उजुरी समेत गरेको उनले बताए ।
पिडित हिरालाल भन्छन्, मेरो नातीले यदी किशोरीलाई भगायो त्यसको दोषि आफू कसरी भए, म माथि किन आक्रमण गरियो, ति युवकको परिवार माथि किन गरिएन, सबैको तारो आफूलाई किन बनाइयो भने उनले प्रश्न गरे ।
यसैबीच भाईका १६ वर्षीय नाति रोशन पासवान र १७ वर्षीय अमित कुमार रामलाई आज बिहान अनिल राय यादवको गाडीमा जबर्जस्ती राखेर लगिएको भन्दै अपहरणको आशंका उनले गरे ।
युवक–किशोरी वास्तवमै कहाँ छन्, विवाह भएको हो वा होइन भन्ने बारे समेत आफूहरूलाई कुनै जानकारी छैन । तर त्यसअघि नै केटी पक्षबाट एक्कासी धम्की, दुव्र्यवहार र कुटपिट सुरु गरिएकोमा आफू निकै त्रसित बनेको उनले दुखेसो पोखे ।
यस विषयमा जिल्ला प्रहरी कार्यालय रौतहटको सूचना अधिकारी एवं डिएसपी विष्णुप्रदीप वस्यालले युवकले युवतीलाई भगाएको निहुँमा सामान्य घटना भएपनि पिडित भनाउने हिरालाल चमारलाई देखिने गरी कुनै चोटपटक नलागेपनि भित्री चोट हुन सक्ने भन्दै घाउजाँच गराउने आदेश दिएको बताए ।
दुई जना युवकलाई अपहरण गरेको कुरा सरासर गलत रहेको बताउदै डिएसपी वस्यालले इलाका प्रहरी कार्यालय राजपुरमा आज विहान केही सोधपुछका लागि लगिएको र पछि परिवारजनलाई जिम्मा लगाएको दाबी गरे । भागेका युवक र युवतीको खाजी कार्य जारी जारी रहेको तथा यस विषयमा आवश्यक अनुसन्धान भईरहेको उनले जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन