रौतहट, १ जेठ । विभिन्न मुद्दामा सजाय पाएर फरार रहेका प्रतिबादीलाई रौतहट प्रहरीले पक्राउ गरेर सजाय कार्यान्वयन गराइएको छ ।
जिल्ला प्रहरी कार्यालय रौतहटले उपलब्ध गराइएको तथ्याँक अनुसार, प्रहरीले फरार प्रतिवादी विरुद्धको अभियानलाई तीव्र बनाउँदै चालु आर्थिक वर्षमा २११ जना दोषी ठहर भएका प्रतिवादीलाई पक्राउ गरेको जनाएको हो ।
रौतहट जिल्ला अदालतबाट सजाय तोकिएर लामो समय देखि फरार रहेका प्रतिवादी व्यक्तिहरूलाई विशेष खोजी अभियान मार्फत पक्राउ गरिएर सजाय कार्यान्वयन गराइएको छ ।
जिल्ला प्रहरी कार्यालयका प्रमुख एसपी सिताराम रिजालको निर्देशनमा सञ्चालन भइरहेको अभियान अन्तर्गत पछिल्ला तीन दिनमै ३४ जना फरार प्रतिवादीलाई पक्राउ गरिएको छ । प्रहरीका अनुसार बिहीबार मात्रै ५ जना तथा त्यसअघि वैशाख २८ र २९ गते २९ जना पक्राउ परेका थिए ।
पक्राउ पर्नेहरूमा चेक अनादर मुद्दाका धनराज पण्डित र नगिना साह सोनार, लागूऔषध मुद्दाका निरज यादव, ज्यान मार्ने उद्योग मुद्दाका राजेश महतो तथा चोरी कसुरमा विश्वेश्वर महतो रहेका छन् ।
चालु आर्थिक बर्षको साउन देखि वैशाख मसान्त सम्म सञ्चालन गरिएको विशेष अभियानबाट २७ लाख २० हजार ५४ रुपैयाँ जरिबाना असुल गरिनुका साथै ३८ वर्ष, १९७ महिना र १७० दिन बराबरको कैद सजाय कार्यान्वयन गरिएको एसपी रिजालले बताए ।
प्रहरीको तथ्यांक अनुसार वैशाख महिनामा सबैभन्दा बढी ५३ जना फरार प्रतिवादी पक्राउ परे । मंसिरमा ३४ जना, माघमा २१ जना तथा असोज र चैतमा १८÷१८ जना पक्राउ परेका थिए ।
त्यसैगरी चालु आर्थिक वर्षमा ९१० वटा मुद्दा दर्ता भएकोमा ५८६ जना प्रतिवादी पक्राउ परिसकेका छन् भने अझै ७४० जना फरार रहेको प्रहरीको तथ्यांकले देखाएको छ । फरार प्रतिवादी खोजी अभियानलाई आगामी दिनमा अझ प्रभावकारी र सशक्त बनाइने एसपी रिजालले बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन